കുമരകം പഞ്ചായത്ത് എട്ടാം വാർഡിൽ താമസിക്കുന്ന അരുൺ കുമാറും കുടുംബവും മനസമാധാനമായി ഉറങ്ങിയിട്ട് ദിവസങ്ങളായി. ഉറങ്ങാൻ കിടന്നാലും രാത്രി 12 കഴിയുന്നതോടെ ഈ വീട്ടിലുള്ളവരെല്ലാം ഞെട്ടിയുണരും. വീടിന്റെ കതകിൽ നിന്നും മേൽക്കൂരയിൽ നിന്നും കേൾക്കുന്ന വലിയ ശബ്ദമാണ് ഇവരുടെ ഉറക്കം കെടുത്തുന്നത്. രാത്രി 12നും പുലർച്ചെ ആറിനും ഇടയിലാണ് ശബ്ദം കേൾക്കുന്നത്. പക്ഷേ, ശബ്ദം കേൾക്കുന്ന ഭാഗത്ത് നോക്കിയാൽ ഒരീച്ചയെ പോലും കാണാനാകില്ല. ഇതാണ് അരുൺ കുമാറിനെയും കുടുംബത്തെയും ഭീതിയിലാഴ്ത്തുന്നത്.

എല്ലാ ദിവസവും ഇത്തരത്തിൽ ശബ്ദം കേൾക്കുന്നത് ആവർത്തിച്ചതോടെ അരുൺകുമാർ പോലീസിൽ പരാതിപ്പെട്ടു. തുടർന്ന് ആരംഭിച്ച അന്വേഷണത്തിൽ ആ​ദ്യ ദിവസത്തെ ​രാ​ത്രി​യി​ൽ പോ​ലീ​സ് ശ​ബ്ദം കേ​ൾ​ക്കു​ന്ന​തി​ന്‍റെ കാ​ര്യ​ങ്ങ​ൾ മ​ന​സി​ലാ​ക്കു​ന്ന​തി​നാ​യി വീ​ട്ടി​ൽ ക​ഴി​ഞ്ഞു.എ​ന്നാ​ൽ ശ​ബ്ദം കേ​ൾ​ക്കു​ന്ന ഭാ​ഗ​ത്തു നി​ന്നും ആ​രെ​യും ക​ണ്ടെ​ത്താ​ൻ പോ​ലീ​സി​നും ക​ഴി​ഞ്ഞി​രു​ന്നി​ല്ല.

പി​റ്റേ​ന്നു രാ​ത്രി​യി​ലും പോ​ലീ​സ് വീ​ട്ടി​ൽ എ​ത്തി​യി​രു​ന്നെ​ങ്കി​ലും ശ​ബ്ദം കേ​ട്ടി​ല്ല. തു​ട​ർ​ന്നു​ള്ള ര​ണ്ടു ദി​വ​സ​ങ്ങ​ളി​ലും രാ​ത്രി​യി​ൽ പോ​ലീ​സ് വീ​ട്ടി​ലെ​ത്തി താ​മ​സി​ച്ചെ​ങ്കി​ലും ശ​ബ്ദം കേ​ട്ടി​ല്ല. അ​ന്വേ​ഷ​ണം തു​ട​ങ്ങി​യ ഒ​രു രാ​ത്രി ഒ​ഴി​കെ​യു​ള്ള ദി​വ​സ​ങ്ങ​ളി​ൽ ശ​ബ്ദം കേ​ൾ​ക്കാ​ത്ത സാ​ഹ​ച​ര്യ​മാ​ണ്. ഇ​തോ​ടെ സ്പെ​ഷ​ൽ ബ്രാ​ഞ്ച് അ​ന്വേ​ഷ​ണം ഉൗ​ർ​ജി​ത​മാ​ക്കി​യി​രി​ക്കു​ക​യാ​ണ്. ദി​വ​സ​ങ്ങ​ൾ​ക്കു​ള്ളി​ൽ സം​ഭ​വ​ത്തി​ന്‍റെ യ​ഥാ​ർ​ഥ്യം ക​ണ്ടെ​ത്താ​ൻ ക​ഴി​യു​മെ​ന്ന പ്ര​തീ​ക്ഷ​യി​ലാ​ണു സ്പെ​ഷ​ൽ ബ്രാ​ഞ്ചും വീ​ട്ടു​കാ​രും.

കുമരകം പഞ്ചായത്തിലെ എട്ടാം വാർഡിൽ പൊങ്ങലിലാണ് അരുൺകുമാറും കുടുംബവും താമസിക്കുന്നത്. ഭിത്തികെട്ടി മേൽക്കൂരയിൽ ഷീറ്റുകൾ മേഞ്ഞതാണ് ഇവരുടെ വീട്. അരുൺ കുമാറിന്റെ സഹോദരനും കുടുംബവും തൊട്ടടുത്ത ഷെഡ് കെട്ടിയാണ് താമസിക്കുന്നത്. ഇവരും അരുൺ കുമാറിന്റെ വീട്ടിലാണ് രാത്രിയിൽ കിടക്കാറുള്ളത്.

വീടിന്റെ കതകിൽ നിന്നും മേൽക്കൂരയിൽ നിന്നുമാണ് വലിയ ശബ്ദം കേൾക്കാറുള്ളത്. രാത്രി 12നും പുലർച്ചെ ആറിനും ഇടയിലാണ് ശബ്ദം കേൾക്കുന്നത്.ഇത് ഇരുപത് മിനിറ്റിലേറെ നീണ്ടുനിൽക്കും. എന്നാൽ ശബ്ദം കേൾക്കുന്ന ഭാഗത്ത് നോക്കിയാൽ ആരെയും കാണാനാകില്ല. ഇതെല്ലാമാണ് അരുൺകുമാറിനെയും കുടുംബത്തെയും ഭീതിയിലാഴ്ത്തുന്നത്.

ശബ്ദം കേൾക്കുന്നത് നിത്യസംഭവമായതോടെ പ്രദേശത്തെ ഒരുകൂട്ടം യുവാക്കൾ അരുൺകുമാറിന്റെ വീട്ടിലെത്തി. ശബ്ദത്തിന്റെ ഉറവിടം മനസിലാക്കാനായി ഇവർ രാത്രി വീട്ടിൽ കിടക്കുകയും ചെയ്തു. പതിവുപോലെ അർദ്ധരാത്രിയിൽ ശബ്ദം കേൾക്കാൻ തുടങ്ങി. ഉടൻതന്നെ യുവാക്കൾ വീടും പരിസരവും അരിച്ചുപെറുക്കിയെങ്കിലും ആരെയും കണ്ടില്ല. തുടർന്ന് യുവാക്കളെല്ലാം വീട്ടിൽ നിന്ന് ഇറങ്ങിയോടുകയായിരുന്നു. ശബ്ദം കേൾക്കുമ്പോൾ വീട്ടിലുള്ളവർ എല്ലാം ഒരു മുറിയിലേക്ക് മാറും.

പിന്നീട് ശബ്ദം അവസാനിച്ചാലെ അവരവരുടെ മുറിയിലേക്ക് പോകു. ടിപ്പർ ലോറിയിൽ നിന്ന് കല്ല് ഇറക്കുമ്പോഴുണ്ടാകുന്ന ശബ്ദമാണ് കേൾക്കുന്നത്. എല്ലാ ദിവസവും ഇതാവർത്തിച്ചതോടെയാണ് അരുൺകുമാർ പോലീസിൽ പരാതി നൽകിയത്.