ഓഖി ചുഴലിക്കാറ്റിൽ അകപ്പെട്ട 40 ബോട്ടുകൾ ഗുജറാത്തിലെ വേരാവലിൽ തിരിച്ചെത്തിയെന്ന് കോസ്റ്റ്ഗാർഡ് അറിയിച്ചു. 516 മത്സ്യതൊഴിലാളികൾ സുരക്ഷിതരായി ബോട്ടുകളിൽ തിരിച്ചെത്തിയെന്നാണ് റിപ്പോർട്ട്. കൊല്ലം, തിരുവനന്തപുരം, തമിഴ്നാട് സ്വദേശികൾ ബോട്ടുകളിൽ ഉണ്ടെന്നാണ് അറിയുന്നത്. കേരളത്തെ സംബന്ധിച്ചിടത്തോളം വളരെ ആശ്വാസകരമായ വാർത്തയാണിത്.

കഴിഞ്ഞ ദിവസം കേരളത്തിലെ 66 ബോട്ടുകളും തമിഴ്നാട്ടിലെ 2 ബോട്ടുകളും മഹാരാഷ്ട്ര തീരത്ത് അടുത്തിരുന്നു. ഈ ബോട്ടുകളിലെ 952 മത്സ്യത്തൊഴിലാളികളെ കൊണ്ട് വരാൻ സംസ്ഥാന സർക്കാർ പ്രത്യേക സംഘത്തെ നിയോഗിച്ചിരുന്നു.