മേളയുടെ പ്രചരണ ബോര്ഡില് മുഖ്യമന്ത്രിയും സാംസ്കാരികമന്ത്രിയും നിറഞ്ഞ് നില്ക്കുന്നു; മലയാളത്തിന് സംഭാവന നല്കിയ ചലച്ചിത്ര പ്രതിഭകളോടുള്ള അനാദരവാണിത്
ഐ.എഫ്.എഫ്.കെയുടെ പ്രചരണത്തോട് അനുബന്ധിച്ച് സ്ഥാപിച്ച വിളബംബര ബോര്ഡുകളില് മുഖ്യമന്ത്രി പിണറായി വിജയന്റെയും സാംസ്കാരിക മന്ത്രി എ.കെ ബാലന്റെയും ഫോട്ടോകള്. മലയാളത്തിലെ മുന്നിര സംവിധായകരുടെയോ, നടീനടന്മാരുടെയോ ചിത്രങ്ങളില്ല. ഇതിനെതിരെ വ്യാപകപ്രതിഷേധം ഉയര്ന്നിട്ടുണ്ട്.
മലയാള സിനിമയെ ലോകത്തിനു മുന്നില് അറിയിച്ച തല മുതിര്ന്ന സംവിധായകരായ അരവിന്ദന്, അടൂര്, ഷാജി എന് കരുണ്, ടി.വി.ചന്ദ്രന്, കെ.പി.കുമാരന്, ജോണ് എബ്രഹാം, കെ.ജി.ജോര്ജ്ജ് തുടങ്ങി ആരുടെയും മുഖം ഇല്ല..
മേളയില് റിട്രോസ്പെക്ടീവ് ഉള്ളവരുടെ പടമില്ല, മേളയില് പങ്കെടുക്കുന്ന പ്രധാന ദേശീയ അന്തര് ദേശീയ സംവിധായകരുടെ പടമില്ല, മേളയില് പ്രദര്ശിപ്പിക്കുന്ന സിനിമകളുടെ പടമില്ല..(എവിടെയെങ്കിലും പേരിന് ചില ബോര്ഡുകളില് ചിലപ്പോള് കണ്ടേക്കാം ) പക്ഷേ കേരളാ ചലച്ചിത്ര മേളയുടെ പ്രചാരണ ബോര്ഡുകളില് ഭൂരിപക്ഷത്തിലും ഉള്ളത് രണ്ടു ഭരണ കര്ത്താക്കളുടെ ഫോട്ടോകള് മാത്രമാണെന്ന് സംവിധായകന് ഡോ. ബിജു ആക്ഷേപിച്ചു.
ഈ രാഷ്ട്രീയ നേതാക്കളെ ഇവിടുത്തെ പ്രധാന സംവിധായകരായി തെറ്റിദ്ധരിച്ച്, ഇവരുടെ റിട്രോസ്പെക്ടീവ് സിനിമകള് ഈ മേളയില് ഉണ്ടാകും എന്നെങ്ങാനും വിദേശ സിനിമാ സംവിധായകര് കരുതാനിടയുണ്ട്...ജാഗ്രതൈ....ഏതായാലും ലോകത്തെ ഒരു ചലച്ചിത്ര മേളയിലും കാണാത്ത വിചിത്രമായ ആചാരങ്ങള് ആണിതെന്നും ഡോ. ബിജു ചൂണ്ടിക്കാട്ടി. നിരവധി അന്താരാഷ്ട്ര മേളകളില് പങ്കെടുത്തിട്ടുള്ള അനുഭവത്തില് നിന്നാണ് ഡോ. ബിജു ഇക്കാര്യം പറഞ്ഞത്.
https://www.facebook.com/Malayalivartha
