സ്വപ്‍ന സാഫല്യത്തിനൊടുവിൽ മകൻ ഡോക്ടറായി.. ആഗ്രഹിച്ച് അവനൊരു സ്കൂട്ടറും വാങ്ങി... പക്ഷെ ആ ആദ്യ യാത്രയിൽ തന്നെ യുവ ഡോക്ടറുടെ ജീവൻ റോഡിൽ പൊലിഞ്ഞു. പോത്ത് വിരണ്ട് റോഡിലൂടെ ഓടി ഡോക്ടറുടെ ബൈക്കിൽ ഇടിക്കുകയായിരുന്നു. തെറിച്ചു വീണ യുവ ഡോക്ടർ എതിരെ വന്ന കാർ കയറി മരിച്ചു. എല്ലാം നിമിഷങ്ങൾക്കുള്ളിൽ..ആർക്കും ഒന്നും ചെയ്യാനായില്ല. മലപ്പുറത്തതാണ് സംഭവം.

ദേശീയപാത 66ൽ പുഴമ്പ്രം റോഡ് ജംക്‌ഷനിലുണ്ടായ അപകടത്തിൽ ബീച്ച് ജനറൽ ആശുപത്രിയിലെ ഹൗസ് സർജനും മലപ്പുറം പൂക്കോട്ടൂർ വെള്ളൂർ മാടമ്പി അഹമ്മദിന്റെ മകനുമായ ഡോ. അർഷദ് അഹമ്മദ് (24) ആണു മരിച്ചത്. ഇന്നലെ രാവിലെയായിരുന്നു അപകടം.

ഡോക്ടർ പുതിയ സ്കൂട്ടറിൽ ആദ്യ യാത്ര നടത്തുകയായിരുന്നു. സ്കൂട്ടറിൽ കോഴിക്കോട്ടേക്കു പോകും വഴിയാണ് അപകടത്തിൽപ്പെട്ടത്. തിരുവനന്തപുരത്തായിരുന്നു എംബിബിഎസ് പഠനം. നാലു മാസമായി ബീച്ച് ആശുപത്രിയിൽ ഹൗസ് സർജൻസി ചെയ്യുകയാണ്.

കണ്ട് നിന്നവർ പോലും നിസഹായരായി.ദേശീയപാതയോരത്തു കൂടി ഉടമ നടത്തിക്കൊണ്ടു പോവുകയായിരുന്ന പോത്താണ് കുതറി ഓടിയത്. തെറിച്ചു കാറിനടിയിൽപ്പെട്ട അർഷദ് തൽക്ഷണം മരിച്ചു.