മ​ദ്യം ന​ൽ​കാ​ൻ വൈ​കി​യ​തിനു ബി​വ​റേ​ജ​സി​ൽ സംഘർഷം. ക​ള​മ​ശേ​രി സീ​പോ​ർ​ട്ട്-​എ​യ​ർ​പോ​ർ​ട്ട് റോ​ഡി​ലെ ബി​വ​റേ​ജ് ഷോ​പ്പി​ലായിരുന്നു സംഘർഷം നടന്നത്. വ്യാഴാഴ്ച വൈ​കി​ട്ട് 4.20 നാ​ണ് സം​ഭ​വം ന​ട​ന്ന​ത്. ബി​വ​റേ​ജ​സി​ന്‍റെ വി​ല കൂ​ടി​യ മ​ദ്യം വി​ത​ര​ണം ചെ​യ്യു​ന്ന മു​ക​ളി​ലെ പ്രീ​മി​യം ഷോ​പ്പി​ലാ​ണ് സംഘർഷം അരങ്ങേറിയത്.

മദ്ധ്യം വാങ്ങാനെത്തിയ അ​ഞ്ചം​ഗ സം​ഘം ഒൻപത് ജീ​വ​ന​ക്കാ​രെ​യും ഒ​രു യു​വാ​വി​നെ​യും ആ​ക്ര​മി​ച്ചശേ​ഷം മ​ദ്യം അ​ട​ങ്ങു​ന്ന ബോ​ക്സു​ക​ളും ബി​ല്ലിം​ഗ് യ​ന്ത്ര​വും അ​ടി​ച്ചു ത​ക​ർ​ത്തു. സംഭവത്തിൽ ക​ള​മ​ശേ​രി ഗ്ലാ​സ് കോ​ള​നി സ്വ​ദേ​ശി​ക​ളാ​യ ബാ​ബു (24) ശ്രീ​ജി​ത്ത് (40) വി​ടാ​ക്കു​ഴ സ്വ​ദേ​ശി സ​ജി (42) എ​ന്നി​വ​രെ രാ​ത്രി ഒൻപതോടെ പോ​ലീ​സ് ക​സ്റ്റ​ഡി​യി​ലെ​ടു​ത്തു. മ​ദ്യം ന​ൽ​കാ​ൻ വൈ​കി​യ​തി​ന്‍റെ പേ​രി​ലായിരുന്നു അ​ക്ര​മം ന​ട​ത്തി​യ​ത്.

ജീ​വ​ന​ക്കാ​ര​നാ​യ രാ​ഹു​ൽ മ​ദ്യം ന​ൽ​കാ​ൻ വൈ​കി​യെ​ന്ന് പ​റ​ഞ്ഞ് ഇ​ദ്ദേ​ഹ​ത്തെ മ​ർ​ദി​ക്കു​ക​യാ​യി​രു​ന്നു. മ​ർ​ദ​ന​ത്തെത്തു​ട​ർ​ന്ന് രാ​ഹു​ൽ പു​റ​ത്തേ​ക്കോ​ടി താ​ഴെ​യു​ള്ള ഷോ​പ്പി​ലെ ജീ​വ​ന​ക്കാ​രെ വി​വ​ര​മ​റി​യി​ക്കു​ക​യാ​യി​രു​ന്നു. പി​ന്നാ​ലെ സം​ഘം ജീ​വ​ന​ക്കാ​രാ​യ ജ്യോ​തി​ഷ് (30), എ​ൽ​ദോ (50), ജോ​ർ​ജ് (46), മു​രു​കേ​ഷ് (44), ഉ​ണ്ണി​കൃ​ഷ്ണ​ൻ (40), സു​ജി​ത്ത് കു​മാ​ർ (40), അ​നി​ൽ കു​മാ​ർ (40), ദി​നാ​ർ (40) എ​ന്നി​വ​ർ​ക്കുനേ​രേ ക​മ്പി​വ​ടി​ക​ളു​മാ​യി ആ​ക്ര​മ​ണം ന​ട​ത്തു​ക​യും മ​ദ്യം അ​ട​ങ്ങു​ന്ന നി​ര​വ​ധി ബോ​ക്സു​ക​ൾ ത​ക​ർ​ക്കു​ക​യും ചെ​യ്ത​താ​യി ജീ​വ​ന​ക്കാ​ർ പ​റ​ഞ്ഞു.

മ​ദ്യം വാ​ങ്ങാ​ൻ ക്യൂ​വി​ൽ നി​ൽ​കു​ക​യാ​യി​രു​ന്ന കാ​ക്ക​നാ​ട് ചി​റ്റേ​ത്തു​ക​ര പ​റ​യ​ൽ​മൂ​ല ജോ​മോ​ൻ (30) എ​ന്ന യു​വാ​വി​ന്‍റെ ത​ല​യ്ക്ക് മ​ദ്യ​ക്കു​പ്പി കൊ​ണ്ട് അ​ടി​ച്ചു. പ​രി​ക്കേ​റ്റ ജോ​മോ​നെ കാ​ക്ക​നാ​ട് സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. ബി​ല്ലിം​ഗ് മെ​ഷീ​നും നി​ര​വ​ധി മ​ദ്യ ബോ​ക്സു​ക​ളും ന​ശി​പ്പി​ച്ചി​ട്ടു​ണ്ടെ​ന്നും ല​ക്ഷ​ങ്ങ​ളു​ടെ ന​ഷ്ടം സം​ഭ​വി​ച്ച​താ​യും അ​ധി​കൃ​ത​ർ അ​റി​യി​ച്ചു.