ദിലീപിന്റെ ഹർജി ജനുവരി ഒമ്പതിലേയ്ക്ക് മാറ്റി
കൊച്ചിയിൽ നടിയെ ആക്രമിച്ച കേസില് കുറ്റപത്രം കോടതിയില് സമര്പ്പിക്കുന്നതിന് മുമ്ബ് അന്വേഷണ സംഘം മാധ്യമങ്ങള്ക്ക് ചോര്ത്തി നല്കിയെന്നാരോപിച്ച് ദിലീപ് നല്കിയ ഹരജിയില് അങ്കമാലി മജിസ്ട്രേറ്റ് കോടതി വിധി പറയുന്നത് ജനുവരി ഒന്പതിലേക്കു മാറ്റി. ഫയലില് സ്വീകരിക്കും മുമ്ബ് കുറ്റപത്രം ചോര്ന്നതിനാല് കുറ്റപത്രം റദ്ദാക്കണമെന്നാവശ്യപ്പെട്ടാണ് കേസിലെ എട്ടാം പ്രതി ദിലീപ് കോടതിയെ സമീപിച്ചത്.
പൊലീസ് കുറ്റപത്രം മാധ്യമങ്ങള്ക്ക് ചോര്ത്തി നല്കിയെന്നാണ് കേസില് പ്രതിയായ ദിലീപിെന്റ പരാതി. എന്നാല് ദിലീപ് തന്നെ കുറ്റപത്രം ചോര്ത്തി നല്കിയെന്നാണ് പ്രോസിക്യൂഷെന്റ വാദം. കുറ്റപത്രം ചോര്ന്നതില് പൊലീസിന് പങ്കില്ലെന്നും പ്രതിഭാഗമാണ് കുറ്റപത്രം ചോര്ത്തിയതെന്നും പ്രോസിക്യൂഷന് കോടതിയെ അറിയിച്ചു. ഫോണ് രേഖകളടക്കമുള്ള കേസുമായി ബന്ധപ്പെട്ട വിവരങ്ങള് ദിലീപാണ് മാധ്യമങ്ങള്ക്ക് ചോര്ത്തി നല്കിയതെന്നും പ്രോസിക്യൂഷന് കോടതിയില് വാദിച്ചിരുന്നു. കേസില് പൊലീസിന്റെ വാദം കഴിഞ്ഞയാഴ്ച പൂര്ത്തിയായിരുന്നു.
ദിലീപിനെ എട്ടാം പ്രതിയാക്കി കുറ്റപത്രം സമര്പ്പിച്ച ദിവസം സാക്ഷി മൊഴികളടക്കം മാധ്യമങ്ങള് റിപ്പോര്ട്ട് ചെയ്തിരുന്നു. ഇതിനെ തുടര്ന്നാണ് അനുബന്ധ കുറ്റപത്രം റദ്ദാക്കണമെന്നാവശ്യപ്പെട്ട് ദിലീപ് കോടതിയെ സമീപിച്ചത്.
https://www.facebook.com/Malayalivartha
