യൂത്ത് കോണ്ഗ്രസ് മുന് മണ്ഡലം പ്രസിഡണ്ട് വിവാഹ വാഗ്ദാനം നൽകി പീഡിപ്പിച്ചു; പീഡനം തുറന്ന് പറഞ്ഞതോടെ ഫേസ്ബുക്ക് പേജിന് പൂട്ട് വീണു; കണ്ണൂരിലെ സിംഹത്തിനെതിരെ യുദ്ധം തുടരാൻ പുതിയ പേജ് തുടങ്ങി പ്രമുഖ അല്ലാത്ത ഒരു സാധാരണക്കാരിയുടെ പോരാട്ടം: ഏറ്റെടുത്ത് സോഷ്യൽ മീഡിയയും
യൂത്ത് കോണ്ഗ്രസ് ചെറുപുഴ മണ്ഡലം മുന് പ്രസിഡന്റ് വിവാഹ വാഗ്ദാനം നല്കി പീഡിപ്പിച്ചെന്ന പരാതിയുമായി മണ്ഡലം മുന് സെക്രട്ടറി രംഗത്ത്. ‘പ്രമുഖയല്ലാത്ത എനിക്കെന്നു നീതി കിട്ടും’ എന്ന പേരില് ഫേസ്ബുക്കില് പോസ്റ്റ് ചെയ്ത പോസ്റ്റിലൂടെയാണ് യുവതി യൂത്ത് കോണ്ഗ്രസ് നേതാവ് മിഥിലാജ് ടി.കെയ്ക്കെതിരെ രംഗത്തെത്തിയിരിക്കുന്നത്.
പണത്തിനും രാഷ്ട്രീയബലത്തിനും മുന്നില് പിടിച്ചു നില്ക്കണമെങ്കില് കുറഞ്ഞപക്ഷം നമ്മളെല്ലാവരും ഓരോ പ്രമുഖരായിരിക്കണം. കണ്ണൂര് ജില്ലയിലെ ചെറുപുഴ എന്ന മലയോരകുടിയേറ്റ ഗ്രാമത്തില് ജനിച്ചു ജീവിക്കുന്ന താന് ഒരു പ്രമുഖയല്ലതായിപോയി എന്ന് യുവതി ഫെയ്സ്ബുക്കില് കുറിച്ചു. ചെറുപുഴ മണ്ഡലം പ്രസിഡന്റ് പുളിങ്ങോം സ്വദേശി മിഥിലാജ് തന്നെ വിവാഹവാഗ്ദാനം നല്കി പീഡിപ്പിച്ചുവെന്നാണ് യുവതി പൊലീസില് പരാതി നല്കിയിരുന്നത്. മിഥിലാജ് തന്നെ നിര്ബന്ധിച്ച് രാഷ്ട്രീയ പ്രവര്ത്തനത്തിന് നിര്ബന്ധിക്കുകയും പിന്നീട് മണ്ഡലം സെക്രട്ടറിയായി നിയമിക്കുകയും ചെയ്തുവെന്ന് യുവതി പറയുന്നു.
വിവാഹം ചെയ്യുമെന്ന് ഉറപ്പ് നല്കിയിരുന്നതിനാല് മിഥിലാജിനൊപ്പം വിവിധ സ്ഥലങ്ങളില് പോയിരുന്നുവെന്നും അപ്പോഴൊക്കെ അയാള് തന്നെ ചൂഷണം ചെയ്തുവെന്നും നേരത്തെ യുവതി പൊലീസിന് നല്കിയ പരാതിയില് പരാതിയില് പറയുന്നു. പിന്നീട് മിഥിലാജ് ബന്ധം ഉപേക്ഷിക്കുകയായിരുന്നു. മധ്യസ്ഥര് മുഖേനെ പലതവണ സംസാരിച്ചെങ്കിലും ഇയാള് വിവാഹം കഴിക്കാന് തയ്യാറായില്ല. സഹായത്തിനായി കോണ്ഗ്രസ് നേതാക്കളെ സമീപിച്ചെങ്കിലും നിഷേധാത്മകമായ സമീപനമാണ് ഉണ്ടായത്.
ഒരു ക്രിസ്തിയാനിയായ ഞാന് മുസ്ലിമിനെ പ്രണയിച്ചത് ഒരു എടുത്തചാട്ടമോ ധീരതയോ അല്ലായിരുന്നു. ഞങ്ങള് രണ്ടും മനുഷ്യരാണല്ലോ എന്ന ബോധമാരുന്നു. പക്ഷെ ചതിയുടെ കനലുമായ് നടന്നിരുന്ന കപട ഖദര് ധാരികളെ എനിക്ക് തിരിച്ചറിയാന് കഴിഞ്ഞിരുന്നില്ല. എല്ലാ വാഗ്ദാനങ്ങള്ക്കുമൊടുവില് അയാള് മുങ്ങി. ഞാന് കേസ്കൊടുത്തു. ആദ്യം അവര് എന്റെ മാനത്തിനിട്ട വില പത്തുലക്ഷമാരുന്നു. ഞാന് വിശ്വസിച്ച രാഷ്ട്രീയ പ്രസ്ഥാനവും അവന്റെയൊപ്പമാരുന്നു.
കഴിഞ്ഞ ഡിസംബര് ആറിന് വിവാഹ വാഗ്ദാനം നല്കി പീഡിപ്പിച്ച പരാതിയില് ഞാന് കേസ് കൊടുക്കുമ്പോള് മിഥിലാജ് കണ്ണൂരിലെ കോണ്ഗ്രസ് സിംഹം കെ സുധാകരനെ കാണാന് പോയിരിക്കുകയാരുന്നു. അതിനു ശേഷം അവന് ഒളിവില് പോയി. അവന്റെ രാഷ്ട്രീയ സ്വാധീനവും പണവും ഒളിവില് അവനു സസുഖം കഴിയാനുള്ള വിടുവേല ചെയ്യ്തുകൊടുക്കുന്നു. നീതി ആവശ്യപ്പെട്ടു ഞാന് എല്ലാ നേതാക്കന്മാരെയും പോയി കണ്ടു. നടന്നു ചെരുപ്പ് തേഞ്ഞതല്ലാതെ പ്രത്യകിച്ചു എനിക്കൊരു ഗുണവുംകിട്ടിയില്ല. യുവതി ഫെയ്സ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂർണ രൂപം
പ്രമുഖയല്ലാത്ത എനിക്കെന്നു നീതി കിട്ടും .?
പണത്തിനും രാഷ്ട്രീയബലത്തിനും മുന്നില് പിടിച്ചു നില്ക്കണമെങ്കില് കുറഞ്ഞപക്ഷം നമ്മളെല്ലാവരും ഓരോ പ്രമുഖരായിരിക്കണം. കണ്ണൂര് ജില്ലയിലെ ചെറുപുഴ എന്ന മലയോരകുടിയേറ്റ ഗ്രാമത്തില് ജനിച്ചു ജീവിക്കുന്ന ഞാന് ഒരു പ്രമുഖയല്ലതായിപോയി.
‘സ്നേഹമാണു അഖില സാരമൂഴിയില്’ എന്ന് വിശ്വസിച്ച ഞാന് ചെറുപുഴ യൂത്ത് കോണ്ഗ്രസ് മുന് മണ്ഡലം പ്രെസിഡന്റുമായി സ്നേഹത്തിലായി.
വിവാഹവും, കടലോളവും സ്നേഹം വാഗ്ദനം ചെയ്യ്ത മിഥിലാജ് ടി കെ എന്ന രാഷ്ട്രീയ പ്രമുഖന് പക്ഷെ എന്റെയെല്ലാം കവര്ന്നെടുത്തു വിദൂരയിലൊരിടത്തു ഒളിവില് കഴിയുന്നു.
ഒരു ക്രിസ്തിയാനിയായ ഞാന് മുസ്ലിമിനെ പ്രണയിച്ചത് ഒരു എടുത്തചാട്ടമോ ധീരതയോ അല്ലായിരുന്നു.. ഞങ്ങള് രണ്ടും മനുഷ്യരാണല്ലോ എന്ന ബോധമാരുന്നു.
അതെ മണ്ഡലത്തില് യൂത്ത് കോണ്ഗ്രസ് മണ്ഡലം സെക്രെട്ടറിയരുന്ന എനിക്ക് ,ഞങ്ങള്ക്കിടയില് ഒരേ ആശയത്തിന്റെ ഐക്യവുമുണ്ടാരുന്നു. പക്ഷെ ചതിയുടെ കനലുമായ് നടന്നിരുന്ന കപട ഖദര് ധാരികളെ എനിക്ക് തിരിച്ചറിയാന് കഴിഞ്ഞിരുന്നില്ല. എല്ലാ വാഗ്ദാനങ്ങള്ക്കുമൊടുവില് അയാള് മുങ്ങി..
ഞാന് കേസ്കൊടുത്തു. ആദ്യം അവര് എന്റെ മാനത്തിനിട്ട വില പത്തുലക്ഷമാരുന്നു. ഞാന് വിശ്വസിച്ച രാഷ്ട്രീയ പ്രസ്ഥാനവും അവന്റെയൊപ്പമാരുന്നു..
കഴിഞ ഡിസംബര് ആറിന് വിവാഹ വാഗ്ദാനം നല്കി പീഡിപ്പിച്ച പരാതിയില് ഞാന് കേസ് കൊടുക്കുമ്പോള് മിഥിലാജ് കണ്ണൂരിലെ കോണ്ഗ്രസ് സിംഹം കെ സുധാകരനെ കാണാന് പോയിരിക്കുകയാരുന്നു. അതിനു ശേഷം അവന് ഒളിവില് പോയി. അവന്റെ രാഷ്ട്രീയ സ്വാധീനവും പണവും ഒളിവില് അവനു സസുഖം കഴിയാനുള്ള വീട്ടുവേല ചെയ്യ്തുകൊടുക്കുന്നു.
നീതി ആവശ്യപ്പെട്ടു ഞാന് എല്ലാ നേതാക്കന്മാരെയും പോയി കണ്ടു. നടന്നേനെ ചെരുപ്പ് തേഞ്ഞതല്ലാതെ പ്രത്യകിച്ചു എനിക്കൊരു ഗുണവുംകിട്ടിയില്ല.
ആദ്യം തന്നെ അവന് ഖത്തറിലേക്കു കടന്നുവെന്നു പ്രചാരണമിറക്കി. അവനു പാസ്പോര്ട്ടില്ല എന്ന് കാര്യം മനസിലാക്കിയപ്പോള് കേരളത്തിലെവിടോ ഉണ്ടെന്നും അന്വേഷിക്കാമെന്നും പോലീസിന്റെ ഭാഷ്യം.
ജാമ്യമില്ലാ വകുപ്പ് പ്രകാരം കേസ് രജിസ്റ്റര് ചെയ്യപ്പെട്ട അവന് സ്വന്തം നാട്ടില് ഒളിവില് താമസിക്കുന്ന കാര്യം എന്റെയൊരു സുഹൃത്തു വിളിച്ചറിയച്ചപ്പോള് പോലീസ് അനങ്ങിയില്ല. ആര്ക്കൊക്കെയോ വേണ്ടി ആരക്കയോ വീട് പണി ചെയ്യുന്നു.
ഞാന് വിശ്വസിച്ച പ്രസ്ഥാനവും എന്നെ വഞ്ചിച്ചുകൊണ്ടരിക്കുമ്പോള്, ഒപ്പം കണ്ണൂരിലെ സിംഹവും കഴുതയുമൊക്കെ എതിര് നിന്നാലും ഞാന് ഒറ്റയ്ക്ക് തന്നെ പോരാടും ..
മറ്റൊരു പെണ്കുട്ടിക്കിതു സംഭവിക്കാതിരിക്കാന്…
രാഷ്ട്രീയ സ്വാധീനത്തില് അകപ്പെട്ട വ്യവസ്ഥയ്ക്കെതിരെ ശബ്ദമുയര്ത്തികൊണ്ടു തന്നെ മുന്നോട്ടു പോകും..
https://www.facebook.com/Malayalivartha
