മന്ത്രിമാർക്ക് മാർക്കിടാൻ വീണ്ടും മുഖ്യമന്ത്രിയുടെ തീരുമാനം. വകുപ്പുകളുടെ പ്രവർത്തനങ്ങൾ വിലയിരുത്താൻ പ്രോഗ്രസ്സ് റിപ്പോർട്ട് സമർപ്പിക്കണമെന്ന് മുഖ്യമന്ത്രി പിണറായി വിജയൻ മന്ത്രിമാരോട് ആവശ്യപ്പെട്ടതായി റിപ്പോർട്ടുകൾ. മുഖ്യമന്ത്രിയുടെ ഓഫീസിൽ നിന്നും നൽക്കുന്ന പ്രേത്യേക ഫോമിൽ വിവരങ്ങൾ പൂരിപ്പിച്ചു നൽകാനാണ് നിർദ്ദേശം.

സർക്കാരിന്റെ പ്രവർത്തനമികവ് അളക്കാൻ ഇടയ്ക്കിടെ മന്ത്രിമാരുമായി കൂടിക്കാഴ്ചകൾ നടത്താറുണ്ട് ഇതിനെല്ലാം പുറമെയാണ് മന്ത്രിമാരോട് മുഖ്യമന്ത്രി പ്രോഗ്രസ്സ് റിപ്പോർട്ട് നല്കാൻ ആവശ്യപ്പെടുന്നത്. പ്രേത്യേക ഫോമിൽ എല്ലാ വകുപ്പുകളുടെയും പ്രവർത്തനങ്ങൾ എല്ലാ മന്ത്രിമാരും പൂരിപ്പിച്ചു നൽകണം. ഇത് വരെ നടപ്പാക്കിയ വികസന പദ്ധതികൾ, ചിലവാക്കിയ തുക, വരാനിരിക്കുന്ന പദ്ധതികളുടെ വിശദാംശങ്ങൾ, പദ്ധതികൾക്ക് പ്രതീക്ഷിക്കുന്ന സമയപരിധി തുടങ്ങിയ സമഗ്ര വിവരങ്ങളടങ്ങിയതാണ് പ്രോഗ്രസ്സ് റിപ്പോർട്ട്.

സർക്കാരിന്റെ രണ്ടാം വാർഷികത്തിന്റെ ഭാഗമായി കൂടിയാണ് പ്രവർത്തന പരിശോധനയെന്നാണ് സൂചന. അതേസമയം പ്രകട പത്രികയുമായി ബന്ധപ്പെടുത്തി ജനങ്ങൾക്ക് നൽകിയ വാഗ്‌ദങ്ങളിൽ വകുപ്പുകളുടെ സ്വയം വിലയിരുത്തൽ കൂടിയാണ് ഉദ്ദേശിക്കുന്നതെന്നാണ് മുഖ്യമന്ത്രിയുടെ ഓഫീസിൽ നിന്നുള്ള വിശദീകരണം.

നിരന്തര മൂല്യനിർണ്ണയത്തിന്റെ ഭലവും തിരുത്തൽ നടപടികളെല്ലാം അതാത് വകുപ്പുകളുമായി ആശയവിമയം നടത്തുണ്ടെന്നും പറയുന്നു. എന്നാൽ ആക്ഷേപങ്ങൾ ഏറെ കേൾപ്പിക്കുന്ന ആഭ്യന്തര വകുപ്പിന്റെ പ്രവർത്തനങ്ങൾ ആരു വിലയിരുത്തുമെന്ന ആശങ്ക ഇനിയും ബാക്കിയാണ്.