കേരള നിയമസഭാ സ്പീക്കര്‍ പി ശ്രീരാമകൃഷ്ണന് സ്വയം വിരമിക്കല്‍ പദ്ധതി പ്രകാരം അധ്യാപന ജോലിയില്‍ നിന്ന് വിരമിക്കാന്‍ മന്ത്രിസഭായോഗ അനുമതി. ഇന്ന് ചേർന്ന മന്ത്രിസഭായോഗത്തിലാണ് തീരുമാനം. ജോലിയില്‍ നിന്നും വിരമിക്കാന്‍ അഞ്ച് വര്‍ഷം ബാക്കിനില്‍ക്കെയാണ് ശ്രീരാമകൃഷ്ണന്‍ സ്വയം വിരമിക്കല്‍ പദ്ധതി വഴി വിരമിക്കുന്നത്.

മലപ്പുറം മേലാറ്റൂര്‍ ആര്‍എം ഹൈസ്‌കൂളിലെ മലയാളം അധ്യാപകനായ സ്പീക്കര്‍ പി ശ്രീരാമകൃഷ്ണന്‍ അധ്യാപന ജോലിയില്‍ നിന്ന് അവധിയെടുത്താണ് നിയമസഭയിലേക്ക് മത്സരിച്ചത്. പൊന്നാനി നിയമസഭാ മണ്ഡലത്തില്‍ നിന്നാണ് ശ്രീരാമകൃഷ്ണന്‍ നിയമസഭയിലേക്കായിരുന്നു മത്സരം. സിപിഐഎം പാനലില്‍ രണ്ടു തവണയാണ് പൊന്നാനി നിയമസഭാമണ്ഡലത്തില്‍ നിന്ന് തിരഞ്ഞെടുക്കപ്പെടുന്നത്. പൊന്നാനി നിയോജക മണ്ഡലത്തെ പ്രതിനിധീകരിച്ച്‌ 2011ല്‍ നിയമസഭാംഗമായി തിരഞ്ഞെടുക്കപ്പെട്ടു. ഇന്ത്യന്‍ നാഷണല്‍ കോണ്‍ഗ്രസ് (ഐ)ലെ പിടി അജയ മോഹനെ 4101 വോട്ടുകള്‍ക്ക് പരാജയപ്പെടുത്തി കൊണ്ടായിരുന്നു പി ശ്രീരാമകൃഷ്ണന്‍ തിരഞ്ഞെടുക്കപ്പെട്ടത്. 2016ലെ തിരഞ്ഞെടുപ്പില്‍ പൊന്നാനിയില്‍ നിന്നും വീണ്ടും തിരഞ്ഞെടുക്കപ്പെട്ടതോടെയാണ് കേരള നിയമസഭ സ്പീക്കറായത്.