കേസ് രേഖകള് ഹാജരാക്കാന് ഹൈക്കോടതി ആവശ്യപ്പെട്ടാല് എ.ഡി.ജി.പി സുദേഷ് കുമാറും മകളും ഏറെ വിയര്പ്പൊഴുക്കേണ്ടിവരും നിയമത്തിന്റെ നൂലാമാലകളില് നിന്ന് ഊരിപ്പോകാന്: നിയമവിദഗ്ധര്
പൊലീസുകാരനെ എ.ഡി.ജി.പിയുടെ മകള് മര്ദ്ദിച്ച കേസില് ഹൈക്കോടതി ഇടപെട്ടാല് കേരളം ഇതുവരെ കാണാത്ത നിയമപോരാട്ടമാകും നടക്കുക. കേസിന്റെ രേഖകള് ഹാജരാക്കാന് കോടതി ആവശ്യപ്പെട്ടാന് എ.ഡി.ജി.പിയുടെ മകള് കുടുങ്ങാനാണ് നിലവിലെ സാഹചര്യത്തില് സാധ്യതയെന്ന് നിയമവിദഗ്ധര് ചൂണ്ടിക്കാട്ടുന്നു. ഗവാസ്ക്കര് എന്ന പൊലീസ് ഡ്രൈവറെ എ.ഡി.ജി.പി സുദേഷ്കുമാറിന്റെ മകള് സ്നിക്ത മര്ദ്ദിച്ചതിന് മെഡിക്കല് രേഖകളും സാക്ഷിമൊഴികളുമുണ്ട്. എന്നാല് സ്നിക്തയെ ഗവാസ്ക്കര് മര്ദ്ദിച്ചതായോ മറ്റൊ യാതൊരു രേഖകളുമില്ല. കേസ് വിവാദമായതിനെ തുടര്ന്ന് സ്നിക്ത ഏതോ സ്വകാര്യആശുപത്രിയില് അഡ്മിറ്റ് ആയതല്ലാതെ വേറെ കാര്യമില്ല. അത് കൗണ്ടര് കേസ് കൊടുക്കാന് മാത്രമാണെന്ന് പൊലീസുകാര് തന്നെ പറയുന്നു. തനിക്കെതിരായ കേസ് ജാമ്യമില്ലാ വകുപ്പ് ഉപയോഗിച്ച് ചുമത്തിയതോടെയാണ് ഗവാസ്ക്കര് ഹൈക്കോടതിയില് ഹര്ജി നല്കിയത്.
പൊലീസ് ഡ്രൈവര് എ.ഡി.ജി.പി റാങ്കിലുള്ള ഉദ്യോഗസ്ഥന്റെ മകളെ മര്ദ്ദിക്കാനോ, അസഭ്യം പറയാനോ സാധ്യതയില്ലെന്ന് സാമാന്യയുക്തിക്ക് കോടതിക്ക് മനസിലാകും. ആ നിലയ്ക്ക് സ്നിക്ത കുറ്റക്കാരിയാണെന്ന് കോടതി പരാമര്ശം നടത്തിയാലും വലിയ പ്രത്യാഘാതം സംഭവിക്കും. കാര്യങ്ങള് കൈവിട്ട് പോയാല് സര്ക്കാരിന്റെയും പൊലീസിന്റെയും കയ്യില് കാര്യങ്ങള് നില്ക്കില്ല. ഒരുപരിധി വരെ എ.ഡി.ജി.പിയെ സഹായിക്കുന്ന സമീപനമാണ് ഇരുകൂട്ടരും സ്വീകരിക്കുന്നത്. ഡ്രൈവര് എ.ഡി.ജി.പിക്കെതിരെ നിയമപോരാട്ടം നടത്തി വിജയിച്ചാല് സേനയ്ക്ക് തന്നെ അത് വലിയ നാണക്കേടാകുമെന്ന് ഐ.പി.എസുകാര്ക്കിടയില് ചര്ച്ചയുണ്ട്. ഇപ്പോഴത്തെ സംഭവവികാസങ്ങള് തന്നെ ഐ.പി.എസുകാരുടെ മാനംകളഞ്ഞിരിക്കുകയാണെന്ന് ചിലര് ആക്ഷേപിക്കുന്നുണ്ട്. സര്ക്കാരിനെ പരമാവധി സമ്മര്ദ്ദത്തിലാക്കാനാണ് ഇവരുടെ നീക്കം.
അതേസമയം എങ്ങനെയും കേസില് നിന്ന് ഊരി കേന്ദ്രസര്വ്വീസിലേക്ക് ഡെപ്യൂട്ടേഷനില് പോകാനാണ് എ.ഡി.ജി.പി സുദേഷ് കുമാര് ശ്രമിക്കുന്നതെന്ന് അറിയുന്നു. ചാനലുകളും പത്രങ്ങളും സൃഷ്ടിക്കുന്ന ബഹളവും നിയമസഭാ സമ്മേളനവും അവസാനിച്ചാല് കാര്യങ്ങള് പൊലീസിന്റെ വരുതിയില് തന്നെയാക്കാനാണ് നീക്കമെന്ന് പൊലീസുകാര്ക്കിടയില് തന്നെ സംസാരമുണ്ട്. ഗവാസ്ക്കര് സി.പി.എമ്മുകാരനാണെങ്കിലും പാര്ട്ടിയുടെയോ, പൊലീസ് അസോസിയേഷന്റെയോ പൂര്ണപിന്തുണയില്ല. അസേസിയേഷന് എ.ഡി.ജി.പിക്ക് ഒപ്പമാണെന്നാണ് ആക്ഷേപം. കേസ് ഒത്തുതീര്പ്പാക്കാന് ഗവാസ്ക്കറെ സമീപിച്ചത് അസോസിയേഷന് നിര്ദ്ദേശിച്ച പൊലീസുകാരനാണെന്നും ആക്ഷേപമുണ്ട്.
https://www.facebook.com/Malayalivartha
