കുട്ടനാട്ടില്‍ കര്‍ഷകരുടെ പേരില്‍ കോടികളുടെ വായ്പാ തട്ടിപ്പ് നടത്തിയ കേസിലെ മുഖ്യപ്രതി ഫാ. തോമസ് പീലിയാനിക്കലിനെ റിമാന്‍ഡ്​ ചെയ്​തു. രാമങ്കരി കോടതിയാണ്​ 14 ദിവസത്തേക്ക്​ റിമാന്‍ഡ്​ ചെയ്​തത്​. ഇന്നലെയാണ്​ ഫാ. പീലിയാനിക്കലിനെ പൊലീസ് അറസ്റ്റ് ചെയ്തത്​.

കുട്ടനാട്ടില്‍ കര്‍ഷകരുടെ പേരില്‍ കോടികളുടെ വായ്പാ തട്ടിപ്പ്​ നടത്തിയെന്നാണ് കേസ്. പീലിയാനിക്കലിനെതിരെ ആകെ 12 കേസുകളുണ്ട്. നാല് കേസുകളിലാണ് ക്രൈംബ്രാഞ്ച് അറസ്റ്റ് രേഖപ്പെടുത്തിയത്. ഫാ. തോമസ് പീലിയാനിക്കലിനും കൂട്ടുപ്രതികള്‍ക്കുമെതിരെ ജാമ്യമില്ലാ വകുപ്പാണ് പൊലീസ് ചുമത്തിയിരിക്കുന്നത്.