മുല്ലപ്പള്ളി മൂന്ന് തുടര് വിജയങ്ങള് നേടിയ കണ്ണൂര് ലോകസ്ഭാ മണ്ഡലത്തില് കെ.സുധാകരന് തോറ്റു, സി.പി.എമ്മിന്റെ കോട്ടയായ വടകരയില് മുല്ലപ്പള്ളി ജയിക്കുന്നു, അപ്പോള് കെ.പി.സി.സി പ്രസിഡന്റാകാന് യോഗ്യന് ആരാണ്?
കെ.സി.സി.പ്രസിഡന്റാകാനുള്ള കെ.സുധാകരന്റെ പ്രചരണങ്ങള്ക്കും നീക്കള്ക്കുമെതിരെ കുറിക്കുകൊള്ളുന്ന മറുപടിയുമായി എ ഗ്രൂപ്പ് പ്രവര്ത്തക ശ്രുതി പ്രസന്ന ഉമ്മന്ചാണ്ടിയുടെ ഔദ്യോഗിക എഫ്.ബി പേജിലെത്തി. കുറിപ്പ് വായിക്കാം...
കെ പി സി സി പ്രസിഡന്റിനായുള്ള ഫ്ളക്സ് ക്യാമ്പയിന് കൊഴുക്കുമ്പോള് ഇതില് കെ സുധാകരന്റെ റോള് എന്താണ് ? ചിലവാക്കുന്ന പണം എവിടെ നിന്ന്? അടുത്തിടെ തലസ്ഥാന നഗരിയില് എത്തിയപ്പോള് കെ പി സി സി പ്രസിഡന്റ ആയി സുധാകരന് വരണം എന്നാവശ്യപ്പെട്ടുകൊണ്ടുള്ള ഫ്ളക്സുകള് കൊണ്ട് നഗരം മാലിന്യവല്ക്കരിച്ചിരിക്കുന്നു . കാശ് കുറെ ചിലവാക്കിയിട്ടുണ്ട് , സുധാകരന് ഈ ക്യാമ്പയിന് വേണ്ടി . ഇതിന്റെ റിട്ടേണ് എന്താണ് ആര്ക്കറിയാം.
സുധാകരന് മുടി ചൂടാ മന്നനായി വിലസുന്ന കണ്ണൂരിലെ കോണ്ഗ്രസ് രാഷ്ട്രീയത്തിന്റെ അവസ്ഥ എന്താണ് . വളരെ ദയനീയം . എത്ര നേതാക്കളാണ് പാര്ട്ടി വിട്ടത് . എന്തിനു ഈ മാസം പോലും രണ്ടു ഡി സി സി സെക്രട്ടറിമാര് രാജി വച്ച് പുറത്തു പോയി. എന് രാമകൃഷ്ണന് മുന്നില് നിന്ന് നയിച്ച് കണ്ണൂരില് കോണ്ഗ്രസിന് വ്യക്തമായ വേരോട്ടം ഉണ്ടാക്കിയ ജില്ലയാണ് കണ്ണൂര് . കണ്ണൂര് , ഇരിട്ടി , ഇരിക്കൂര് , പേരാവൂര് , എടക്കാട് , തലശ്ശേരി , അഴിക്കോട് തുടങ്ങിയ മണ്ഡലങ്ങള് കയയടക്കി വച്ചിട്ടും ഉണ്ട് എന് ആര് നയിക്കുന്ന കാലത് . മാത്രമല്ല ഭൂരിപക്ഷം നഗരസഭകളും യുഡിഎഫ് നായിരുന്നു . എന്തിനേറെ പറയുന്നു ചുവപ്പുകോട്ടയായ കണ്ണൂരില് ( ലോക്സഭാ ) നിന്ന് മുല്ലപ്പള്ളി മൂന്ന് തവണയാണ് തുടര് വിജയങ്ങള് നേടിയത് . സുധാകരന്റെ കയ്യില് പാര്ട്ടി ആയ കഴിഞ്ഞ കാല് നൂറ്റാണ്ടു കൊണ്ട് എല്ലാം കൈമോശം വന്നു എന്ന് തന്നെ പറയാം . ഇന്ന് ഇരിക്കൂര് , പേരാവൂര് മാത്രമാണ് ജയിക്കുന്നത് അത് ആ മണ്ഡലങ്ങളിലെ ജനപ്രതിനിധികളുടെ ആഴത്തിലുള്ള ജനസ്വാധീനവും സാമുദായിക പിന്തുണയും കൊണ്ടാണ്. ആ മണ്ഡലങ്ങളില് സുധാകരനെ ഒന്നിനും അടുപ്പിക്കാറില്ല എന്നതും സത്യം
എന്നും കോണ്ഗ്രസിനെ ജയിപ്പിക്കുകയും സുധാകരന് മത്സരിച്ചുപോരുകയും ചെയ്തിരുന്ന കണ്ണൂര് നിയമസഭാ മണ്ഡലം കഴിഞ്ഞ തവണ എല് ഡി എഫ് കൊണ്ട് പോയി . സുധാകരന്റെ തട്ടകമാണെന്നു മറക്കരുത്. കണ്ണൂര് കോര്പറേഷന് യുഡിഎഫിനു വ്യക്തമായ മുന്തൂക്കമുള്ള കോപ്പറേഷന് ഇന്ന് എല് ഡി എഫ് ഭരിക്കാന് കാരണം സ്ഥാനാര്ഥി നിര്ണയത്തില് സുധാകരന്റെ സ്തുതിപാദകര് ഇടംപിടിച്ചു. ജനം കണ്ടറിഞ്ഞു പണി കൊടുത്തു .
കണ്ണൂര് ഡി സി സി ഓഫീസ് കണ്ണൂരിലെ കോണ്ഗ്രസ്സുകാരുടെ അഭിമാനമായിരുന്നു ഒരു കാലത് . എന്. രാമകൃഷ്ണന് ചോരയും നീരും കൊടുത്തു കെട്ടിപ്പൊക്കിയ ഓഫ്സ് പൊളിച്ചു , പകുതി സ്ഥലം പാക്ക് തൂക്കികള് വിറ്റു പുട്ടടിച്ചു . ഇന്ന് വാടക കെട്ടിടത്തിലാണ് കച്ചവടം
എം എല് എ ചുളുവില് ആകാം എന്ന ആഗ്രഹത്താല് ഗ്രൂപ്പ് മറുകണ്ടം ചാടിയ ഡി സി സി പ്രസിഡന്റ് പാച്ചേനിക്കു വലിയ റോള് ഒന്നും ഇല്ല . വേണമെങ്കില് സുധാകര ജയ് വിളികള് ഒക്കെ ആയി കാലം കഴിക്കാം . അതാണ് ചെയ്യുന്നതും. സുധാകര പാദസേവക്കാര്ക്കും സ്തുതി പാദകര്ക്കും മാത്രമേ ഒഫ്സില് പ്രവേശനം ഒള്ളു . മിക്ക സ്ഥലങ്ങളിലും ബൂത്ത് കമ്മിറ്റി പോയിട്ട് മണ്ഡലം കമ്മിറ്റി പോലും നിലവില് ഇല്ല
സുധാകരന് പ്രവര്ത്തകരെ സംരക്ഷിക്കും എന്നാണ് വാദം . എവിടെ ആണ് സംരക്ഷണം കിട്ടിയത് . ഒരു ഉദാഹരണം പറയൂ പ്രസംഗങ്ങളിലും ചാനല് ക്യാമറക്കു മുന്നിലും ഉള്ള ആവേശ പ്രസംഗം കണ്ടു ചെറുപ്പക്കാര് ചുമ്മാ ആവേശം കൊള്ളേണ്ട യാഥാര്ഥ്യങ്ങള് മറ്റൊന്നാണ്. കണ്ണൂരുകാര് പൊതുവെ രാഷ്ട്രീയ ആവേശക്കാരാണ് വിവേകത്തേക്കാള് വികാരം നയിക്കുന്നവര് , അത്തരം നേതൃത്വം അല്ല വേണ്ടത്
കെ.എസ് ബ്രിഗേഡ് എന്നത് കെ.എസ് സൃഷ്ടിച്ച ഒന്നാണ് കെ സുധാകരന് തന്റെ ഗള്ഫില് ജോലി ചെയ്യുന്ന അടുത്ത ബന്ധു വിനെ വച്ചാണ് കെ എസ ഇതിനെ നിയന്ത്രിക്കുന്നത് .
ആവേശം കുറച്ചു യാഥാര്ഥ്യ ബോധത്തോടെ ചിന്തിക്കൂ . കെ.എസ് അത്ര വലിയ സംഘാടകനും നേതാവും കഴിവുള്ളവനും ആയിരുന്നു എങ്കില് കണ്ണൂര് ലോക്സഭാ മണ്ഡലത്തില് വീണ്ടും ജയിച്ചേനെ കാരണം മുല്ലപ്പിള്ളി മൂന്ന് തുടര് വിജയങ്ങള് നേടിയ മണ്ഡലമാണത് . കണ്ണൂരേക്കാള് വലിയ സി പി എം കോട്ടയാണ് വടകര എന്ന് നമുക്കെല്ലാം അറിയാം ആ വടകരയില് മുല്ലപ്പള്ളി പോലും തുടര് വിജയമാണ് നേടിയത് കോഴിക്കോട് എം കെ ആര് ഉം തുടര് വിജയം നേടി , മലബാറില് ആ ട്രെന്ഡ് എന്ത് കൊണ്ട് കണ്ണൂരില് ഉണ്ടായില്ല . സുധാകരന്റെ കഴിവുകേട് തന്നെ അല്ലെങ്കില് സ്വജനപക്ഷപാതം , മറ്റാരെയും അംഗീകരിക്കാത്ത സ്വഭാവം ഇതൊക്കെ തന്നെ കാരണം.
https://www.facebook.com/Malayalivartha
