ലോക്സഭാ തെരഞ്ഞെടുപ്പിൽ ആന്ധ്രാപ്രദേശിൽ കോൺഗ്രസ്സ് ഒറ്റക്ക് മൽസരിക്കുമെന്ന് എഐസിസി ജനറൽ സെക്രട്ടറി ഉമ്മൻ‌ചാണ്ടി. പാർട്ടി സഖ്യമുണ്ടാക്കുന്നത് ജനങ്ങളുമായിട്ടാകുമെന്ന് അദ്ദേഹം വ്യക്തമാക്കി. സംസ്​ഥാന നേതാക്കളുടെ സാന്നിധ്യത്തിൽ കോൺഗ്രസ്​ അധ്യക്ഷൻ രാഹുൽ ഗാന്ധിയുമായി നടത്തിയ കൂടിക്കാഴ്ചക്ക്​ ശേഷം ​എ.​െഎ.സി.സി ആസ്​ഥാനത്ത്​ നടത്തിയ വാർത്താസമ്മേളനത്തിൽ സംസാരിക്കുകയായിരുന്നു അദ്ദേഹം.

ബൂത്തുതലം മുതൽ കോൺഗ്രസിനെ പുനഃസംഘടിപ്പിക്കുമെന്നും ഉമ്മൻചാണ്ടി വ്യക്തമാക്കി.നാലു മാസത്തിനുള്ളിൽ സംഘടനയെ ശക്തിപ്പെടുത്താൻ ലക്ഷ്യമിട്ടുള്ള പ്രവർത്തനങ്ങൾക്ക്​ തുടക്കമിടും. ഇതി​​െൻറ ഭാഗാമയി എല്ലാ ജില്ലകളും സന്ദർശിച്ച് പ്രവർത്തനങ്ങൾക്ക് നേതൃത്വം നൽകും. കോൺഗ്രസ് വിട്ടുപോയ നേതാക്കൾ മടങ്ങിവന്നാൽ പൂർണമനസോടെ സ്വാഗതം ചെയ്യും.

ടി.ഡി.പിയും ബി.ജെ.പിയും സംസ്ഥാനത്തെ ജനങ്ങളെ വഞ്ചിക്കുകയാണ്. സംസ്ഥാന പുനസംഘടനാ സമയത്ത് അന്നത്തെ പ്രധാനമന്ത്രി മൻമോഹൻ സിങ്​ ആ​​​ന്ധ്രക്ക്​ പ്രത്യേക പദവി ഉറപ്പുനൽകിയിരുന്നു. എന്നാൽ, പിന്നീട് അധികാരത്തിൽ വന്ന ബി.ജെ.പി സർക്കാർ ജനങ്ങളെ വഞ്ചിച്ചു. യു.പി.എ അധികാരത്തിൽ വന്നാൽ ആദ്യം ദിവസം തന്നെ സംസ്​ഥാനത്തിന്​ പ്രത്യേക പദവിക്കുള്ള ഫയൽ ഒപ്പിടുമെന്ന ഉറപ്പ് രാഹുൽ ഗാന്ധി നൽകിയിട്ടുണ്ടെന്നും അദ്ദേഹം പറഞ്ഞു.