ആന്ധ്ര പിടിക്കാന് പ്രധാനമന്ത്രി നരേന്ദ്ര മോദിയെ ഇറക്കി ബി ജെ പി .മോദിക്ക് പ്രവേശനമില്ലെന്ന ബോര്ഡുയര്ത്തി പ്രതിഷേധക്കാര്... വിജയവാഡ വിമാനത്താവളത്തിന് സമീപത്തടക്കം സ്ഥാപിച്ച പടുകൂറ്റന് ബോര്ഡുകള് നീക്കം ചെയ്ത് ബി ജെ പി പ്രവര്ത്തകര്
ആന്ധ്ര പിടിക്കാന് പ്രധാനമന്ത്രി നരേന്ദ്ര മോദിയെ ഇറക്കി ബി ജെ പി .മോദിക്ക് പ്രവേശനമില്ലെന്ന ബോര്ഡുയര്ത്തി പ്രതിഷേധക്കാര്. വിജയവാഡ വിമാനത്താവളത്തിന് സമീപത്തടക്കം സ്ഥാപിച്ച പടുകൂറ്റന് ബോര്ഡുകള് നീക്കം ചെയ്ത് ബി ജെ പി പ്രവര്ത്തകര്.
അസമിന് പിന്നാലെ ആന്ധ്രപ്രദേശിലും മോദിക്കെതിരെ പ്രതിഷേധം വ്യാപകമാകുന്നു. മോദി നോ എന്ട്രി എന്നെഴുതിയ ബോര്ഡുകള് ഗുണ്ടൂരിലെ പലയിടങ്ങളിലായി പ്രത്യക്ഷപ്പെട്ടു. സംസ്ഥാനത്തിന് നല്കിയ വാഗ്ദാനങ്ങള് പാലിക്കാത്തതിന്റെ പേരില് മോദി ജനങ്ങളോട് മറുപടി പറയേണ്ടി വരുമെന്ന എന്ന തരത്തിലാണ് പോസ്റ്ററുകള് പ്രദര്ശിപ്പിക്കപ്പെടുന്നത്. എന്നാല് ഇത്തരത്തില് സ്ഥാപിച്ചിരിക്കുന്ന ബോര്ഡുകളെല്ലാം ബിജെപി പ്രവര്ത്തകര് നീക്കം ചെയ്തു.
ഞായറാഴ്ച്ചയാണ് പ്രധാനമന്ത്രി നരേന്ദ്ര മോദി ആന്ധ്രയിലെത്തുക .പ്രധാനമന്ത്രിയുടെ സന്ദര്ശനത്തിനായുള്ള ഒരുക്കങ്ങളൊക്കെ ബിജെപി സംസ്ഥാന ഘടകം പൂര്ത്തിയാക്കിയിട്ടുണ്ട്. സംസ്ഥാനത്തെ ഭരണകക്ഷിയായ ടി ഡി പി സന്ദര്ശനത്തിനെതിരെ രംഗത്ത് വന്നിട്ടുണ്ട്. ഈ സാഹചര്യത്തിലാണ് വിജയവാഡ വിമാനത്താവളത്തിന്റെ പരിസരത്ത് നോ എന്ട്രി മോദി എന്ന കൂറ്റന് ബോര്ഡുകള് പ്രത്യക്ഷപ്പെട്ടത്. ആരാണ് ഈ പ്രതിഷേധത്തിന് പിന്നിലെന്ന് വ്യക്തമാക്കാതെയാണ് ബോര്ഡുകള് സ്ഥാപിച്ചത്. ഒരു രാഷ്ട്രീയ പാര്ട്ടികളുടേയും പേരില്ലാതെയാണ് ബോര്ഡ് സ്ഥാപിച്ചത്. അതേ സമയം ബി ജെ പി പ്രവര്ത്തകര് ഈ ബോര്ഡുകള് നീക്കം ചെയ്തു .മോദിയുടെ സന്ദര്ശനത്തോടനുബന്ധിച്ച് സംസ്ഥാനത്ത് സുരക്ഷ ശക്തമാക്കിയിട്ടുണ്ട്. പ്രധാനമന്ത്രിയുടെ സന്ദര്ശനത്തോടെ സംസ്ഥാനത്ത് തെരഞ്ഞെടുപ്പ് പ്രചരണത്തിന് ബി ജെ പി തുടക്കമിടും
രാവിലെ പത്തേമുക്കാലിന് വിജയവാഡയിലെത്തുന്ന മോദി അവിടെ നിന്ന് ഗുണ്ടൂരില് നടക്കുന്ന പൊതു പരിപാടിയില് പങ്കെടുക്കാന് ഹെലികോപ്റ്ററിലാകും തിരിക്കുക. ബി.ജെ.പി ഒഴികെ മുഴുവന് രാഷ്ട്രീയ പാര്ട്ടികളും സംസ്ഥാന വ്യാപക പ്രതിഷേധത്തിന് ആഹ്വാനം ചെയ്തിട്ടുണ്ട്.
വിജയവാഡയിലും ഗുണ്ടൂരിലും ഉള്പ്പെടെ വിവിധ സ്ഥലങ്ങളിലാണ് മോദിക്ക് നോ എന്ട്രി എന്നെഴുതിയ കൂറ്റന് ബോഡുകള് പ്രത്യക്ഷപ്പെട്ടത്. ഇതിന് പുറമേ ടി.ഡി.പി നേതാവും എം.പിയുമായ രാം മോഹന് നായിഡു മോദിക്ക് പ്രതിഷേധമറിയിച്ച് കത്തെഴുതിയത്. നാളെ പൊതുജനങ്ങളെ കാണുമ്പോള് വാഗ്ദാനങ്ങള് മാത്രം നല്കി സംസ്ഥാനത്തോട് വഞ്ചന കാണിച്ചതിന് മോദി മറുപടി പറയേണ്ടി വരുമെന്ന് രാം മോഹന് നായിഡു കുറ്റപ്പെടുത്തി. പൗരത്വ ബിലില് അസമിലുണ്ടായ പ്രതിഷേധത്തിന് പിന്നാലെ ആന്ധ്ര പ്രദേശിലും മോദിക്കെതിരെ പ്രതിഷേധം കനക്കുകയാണ്.
https://www.facebook.com/Malayalivartha