സെക്രട്ടേറിയറ്റ് ജീവനക്കാർ ഇനിമുതൽ ജീൻസും ടീ ഷർട്ടും ധരിക്കരുത്; ബീഹാർ സർക്കാർ
സെക്രട്ടേറിയറ്റ് ജീവനക്കാർക്ക് ജീൻസും ടീഷർട്ടും നിരോധിച്ച് ബീഹാർ സർക്കാർ. ബിഹാർ സംസ്ഥാന സെക്രട്ടേറിയറ്റിൽ ജോലി ചെയ്യുന്നവർ ജോലി സമയത്ത് ജീൻസും ടീ ഷർട്ടും ധരിക്കുന്നത് നിരോധിച്ചു കൊണ്ട് സർക്കാർ ഉത്തരവിറക്കി.
എല്ലാവരും ഇളം നിറങ്ങളുള്ള കാഷ്വൽ വസ്ത്രങ്ങൾ ധരിക്കണമെന്നാണ് സർക്കാർ നിർദേശം. റാങ്ക് വ്യത്യാസമില്ലാതെ എല്ലാവരും പുതുക്കിയ വസ്ത്രധാരണരീതി പിന്തുടരണമെന്നും ഉത്തരവിൽ പറയുന്നു.
ഓഫീസ് സംസ്കാരത്തിന് ചേരാത്ത രീതിയിലുള്ള വസ്ത്രധാരണം പല ജീവനക്കാരും നടത്തുന്നതായി ശ്രദ്ധയില്പ്പെട്ടുവെന്നും ഇത് ഓഫീസുകളുടെ മാന്യതയ്ക്ക് ചേരാത്തതാണെന്ന് ബോധ്യമായതിനാലാണ് ഇത്തരമൊരു നിര്ദേശം നല്കിയിരിക്കുന്നതെന്നും ഉത്തരവ് പുറപ്പെടുവിച്ച അപ്പര് സെക്രട്ടറി മഹാദേവ് പ്രസാദ് വ്യക്തമാക്കി.
https://www.facebook.com/Malayalivartha