ത‍ൃശൂർ പൂരം വെടിക്കെട്ട് ഒഴിവാക്കി നടത്തും. ഇന്ന് ചേർന്ന ഉന്നതതലയോ​ഗത്തിലാണ് തീരുമാനമായത്. കുടമാറ്റം ഉൾപ്പെടെയുള്ള തൃശൂർ പൂരത്തിന്റെ ചടങ്ങുകൾ നടത്തുമെന്നാണ് തീരുമാനം.

കഴിഞ്ഞ ദിവസം തിരുവമ്പാടി ദേവസ്വത്തിന്റെ വെടിക്കെട്ട് പുര പൊട്ടിത്തെറിച്ച് അപകടമുണ്ടായതിന് പിന്നാലെയാണ് പൂരത്തിന് വെടിക്കെട്ട് ഒഴിവാക്കാനായി തീരുമാനിച്ചത്. കുടമാറ്റം ഒഴിവാക്കാൻ കഴിയില്ലെന്ന് ദേവസ്വം പ്രതിനിധികൾ ഉന്നതതല യോ​ഗത്തിൽ അറിയിച്ചു.

15 ആനകളെ അണിനിരത്തി കുടമാറ്റം നടത്താൻ അണിനിരത്തി കുടമാറ്റം നടത്താൻ യോ​ഗം അനുമതി നൽകി. 

മുണ്ടത്തിക്കോട് അപകടത്തിന്റെ പശ്ചാത്തലത്തിൽ ഈ മാസം 24 വരെ ദുഖാചരണം നടത്താൻ തിരുവമ്പാടി ദേവസ്വം തീരുമാനിച്ചിരിക്കുകയാണ്. ഈ ദിവസങ്ങളിൽ പറയെടുപ്പ് ചടങ്ങുകൾ മാത്രമായിരിക്കും നടക്കുക. പൂരത്തിന്റെ ഭാഗമായുള്ള ചമയ പ്രദർശനം ഒരു ദിവസമായി ചുരുക്കാനും തീരുമാനമായി.