വ്യോമാക്രമണത്തില്‍ വീണ്ടും മുപ്പത് ഭീകരര്‍ കൊല്ലപ്പെട്ടു. താലിബാനുമായി ബന്ധമുള്ള ലഷ്‌കറെ ഇസ്‌ലാം ഭീകരസംഘടനയിലെ 30 പേരാണ് വ്യോമാക്രമണത്തില്‍ കൊല്ലപ്പെട്ടതായി പാക്കിസ്ഥാന്‍ സൈനിക വക്താവ് അറിയിച്ചത്. അഫ്ഗാന്‍ അതിര്‍ത്തിക്കടുത്ത പാക്കിസ്ഥാന്റെ ഗോത്ര മേഖലയിലാണ് പാക്ക് യുദ്ധവിമാനങ്ങള്‍ ആക്രമണം നടത്തിയതെന്നാണ് റിപ്പോര്‍ട്ടുകള്‍. ആക്രമണത്തില്‍ ലഷ്‌കറെ ഇസ്‌ലാം വക്താവ് സലാഹുദിന്‍ അയൂബിയും വിദേശികളായ ഏതാനും ഭീകരരും കൊല്ലപ്പെട്ടെന്നും ആയുധപ്പുരകളും ഒളിത്താവളങ്ങളും നശിപ്പിച്ചെന്നും സൈനിക വക്താവ് അറിയിച്ചു. കഴിഞ്ഞ ഡിസംബറില്‍ പെഷാവറിലെ സൈനിക സ്‌കൂള്‍ ആക്രമിച്ച താലിബാന്‍ ഭീകരര്‍ ആക്രമിച്ചിരുന്നു വിദ്യാര്‍ഥികള്‍ ഉള്‍പ്പെടെ 150 പേരെയാണ് വധിച്ചിരുന്നത്.
ഇതിനെ തുടര്‍ന്നാണ് ഈ മേഖലയില്‍ സൈന്യം ഭീകരവേട്ട ശക്തമാക്കിയത്. കഴിഞ്ഞ ശനിയാഴ്ച ഈ മേഖലയില്‍ സൈന്യം നടത്തിയ ആക്രമണത്തില്‍ 80 ഭീകരരും ഏഴു സൈനികരും കൊല്ലപ്പെട്ടിരുന്നു. ഇതേസമയം, യുഎസ് പൈലറ്റില്ലാ വിമാനം വടക്കുകിഴക്കന്‍ അഫ്ഗാനിസ്ഥാനിലെ കുനാറില്‍ നടത്തിയ മിസൈല്‍ ആക്രമണത്തില്‍ 11 താലിബാന്‍ ഭീകരര്‍ കൊല്ലപ്പെടുകയും ചെയ്തു. നേരത്തേയുണ്ടായ ആക്രമണത്തില്‍ ആറോ ഏഴോ താലിബാന്‍ കമാന്‍ഡര്‍മാര്‍ കൊല്ലപ്പെട്ടെന്നും യുഎസ് അറിയിച്ചിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha