തുടര്‍ച്ചയായി രാജ്യസഭ വഴി അധികാര കേന്ദ്രത്തില്‍ എത്തിപ്പെടാമെന്ന നേതാക്കളുടെ മോഹങ്ങള്‍ക്കെതിരെ സോഷ്യല്‍ മീഡിയയില്‍ പ്രതിഷേധം ശക്തം. കോണ്‍ഗ്രസിനു കിട്ടിയ രാജ്യസഭാ സീറ്റിലേയ്ക്ക് വയലാര്‍ രവിയെ തന്നെ പരിഗണിക്കാന്‍ കോണ്‍ഗ്രസില്‍ ഏകദേശ ധാരണയായ ഘട്ടത്തിലാണ് മുന്‍ പ്രവാസികാര്യ മന്ത്രിക്കെതിരെ രൂക്ഷ വിമര്‍ശനവുമായി സോഷ്യല്‍ മീഡിയ രംഗത്ത്. പ്രവാസികാര്യ മന്ത്രിയായ കാലത്ത് ഒരു കാര്യവും ചെയ്യാത്ത മന്ത്രിയായിരുന്നു വയലാര്‍ രവി എന്നാണ് ഉയരുന്ന പ്രധാന ആരോപണം. ഇക്കുറി രവിയെ പിന്‍വലിച്ച് കാര്യപ്രാപ്തിയുള്ളവരെ രാജ്യസഭയിലേക്ക് അയക്കുന്നതിനു പകരം മുന്‍ പ്രവാസികാര്യ മന്ത്രിയെത്തന്നെ എന്തിനാണ് പരിഗണിക്കുന്നത് എന്ന ചോദ്യം ഉയര്‍ത്തുകയാണ് സൈബര്‍ ലോകം.
മുതിര്‍ന്ന നേതാവായ വയലാര്‍ രവിക്കു തുടരാന്‍ താല്‍പര്യമുള്ള സാഹചര്യത്തില്‍ മറ്റൊരു പേരും ഇവിടെ നിന്നു നിര്‍ദേശിക്കാനിടയില്ല എന്നതിനെ വിമര്‍ശിച്ചാണ് സോഷ്യല്‍ മീഡിയ രംഗത്തെത്തിയിരിക്കുന്നത്. നിലവില്‍ രാജ്യസഭാംഗമായ വയലാര്‍ രവിയുടെ കാലാവധി ഉടന്‍ അവസാനിക്കുകയാണ്. ഇതു കൂടാതെ രണ്ടു സീറ്റിലേക്കു കൂടി തെരഞ്ഞെടുപ്പ് നടക്കുന്നുണ്ട്. ഏപ്രില്‍ 20നാണ് തെരഞ്ഞെടുപ്പ്.
ധൈര്യമുണ്ടെങ്കില്‍ തിരഞ്ഞെടുപ്പില്‍ നിന്ന് മത്സരിച്ച് ജയിക്കാനാണ് വെല്ലുവിളികളില്‍ ഏറെയും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha