ബെഗളുരുവില് വെടിയേറ്റ് വിദ്യാര്ത്ഥിനി മരിച്ചു പ്രതി പിടിയില്
ബെംഗളൂരുവില് പ്ലസ് ടു വിദ്യാര്ഥിനി ഗൗതമി (17) വെടിയേറ്റ് മരിച്ച സംഭവത്തില് സ്കൂള് ജീവനക്കാരന് അറസ്റ്റിലായി. സ്കൂളിലെ അറ്റന്ഡറായ മഹേഷിനെയാണ് (41) പോലീസ് അറസ്റ്റ് ചെയ്തത്. മൈസൂരു റോഡില് ബൈട്രായനപുരയിലെ ബന്ധുവീട്ടില് വച്ചാണ് ഇയാളെ അറസ്റ്റ് ചെയ്തത്. തന്റെ പ്രണയാര്ഭ്യര്ഥന നിരസിച്ചതില് രോഷംപൂണ്ടാണ് മഹേഷ് നാടന് തോക്ക് ഉപയോഗിച്ച് ഗൗതമിയെ വെടിവെച്ചതെന്ന് പോലീസ് പറഞ്ഞു. തലയ്ക്കു വെടിയേറ്റ ഗൗതമി സംഭവസ്ഥലത്തു വച്ചുന്നെ മരിച്ചു.
ഗൗതമിയെ വെടിവയ്ക്കാന് ഉപയോഗിച്ച നാടന് തോക്കും പോലീസ് ഇയാളില് നിന്ന് കണ്ടെടുത്തു. വൈറ്റ്ഫീല്ഡിന് സമീപം കാടുഗൊഡിയിലുള്ള പ്രഗതി റെസിഡന്ഷ്യല് സ്കൂളിലൈ വിദ്യാര്ഥിയായിരുന്നു ഗൗതമി. ചൊവ്വാഴ്ച രാത്രിയാണ് മഹേഷ് ഗൗതമിയെ ഹോസ്റ്റലില് വച്ച് വെടിവെച്ചത്. വെടിവെപ്പില് ഗൗതമിയുടെ മുറിയിലുണ്ടായിരുന്ന ശിരിഷ എന്ന വിദ്യാര്ഥിക്കും പരിക്കേറ്റിരുന്നു. സംഭവത്തിനുശേഷം മുങ്ങിയ മഹേഷിനുവേണ്ടി പോലീസ് തിരച്ചില് നടത്തിവരികയായിരുന്നു. തുംകൂരു സ്വദേശിനിയാണ് മരിച്ച ഗൗതമി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
