ആപ്പില്‍ തമ്മിലടി തുടങ്ങിയതോടെ പാര്‍ട്ടിയുടെ കഷ്ടകാലവും ആരംഭിച്ചു. ഭരണത്തില്‍ ഏറിയതോടെ കെജരിവാളിനൊപ്പം സ്റ്റാറായി മാറിയതാണ് നീല വാഗണാര്‍ കാറും. പക്ഷേ ഇപ്പോള്‍ കാര്യങ്ങള്‍ കുഴഞ്ഞ മട്ടിലാണ്. ആപ്പിന് പ്രശസ്തമാക്കിയതു തന്നെ ചൂല്‍ ഛിന്നമായിരുന്നു.
അരവിന്ദ് കെജ്‌രിവാളിന്റെ നീല വാഗണര്‍ കാര്‍ തിരികെ വേണമെന്ന ഉടമയുടെ ആവശ്യത്തിന് തൊട്ടുപിന്നാലെ ആം ആദ്മി പാര്‍ട്ടിയുടെ ലോഗോ തിരികെ നല്‍കണമെന്ന് അത് ഡിസൈന്‍ ചെയ്ത ആള്‍ ആവശ്യപ്പെട്ടു. പാര്‍ട്ടിയുടെ ലോഗോ ഡിസൈന്‍ ചെയ്ത സുനില്‍ ലാലാണ് കെജ്‌രിവാളിന് കത്തെഴുതിയത്. ഇയാള്‍ പാര്‍ട്ടി അനുഭാവമുള്ള ആളായിരുന്നു.
താന്‍ ഡിസൈന്‍ ചെയ്ത ലോഗോ ഇനിമുതല്‍ പാര്‍ട്ടിയുടെ പബ്ലിസിറ്റിക്കായി ഉപയോഗിക്കരുതെന്നാണ് ആവശ്യം. പോസ്റ്ററുകളിലോ വെബ്‌സൈറ്റിലോ പതാകയിലോ മറ്റു പരസ്യങ്ങളിലോ ഉപയോഗിക്കരുതെന്നാണ് ആവശ്യം. താനിക്കാര്യം ആവശ്യപ്പെട്ട് കത്തെഴുതിയെന്ന് ഇയാള്‍ ട്വീറ്റ് ചെയ്തു.
പ്രശാന്ത് ഭൂഷണെയും യോഗേന്ദ്രയാദവിനെയും പുറത്താക്കിയ നടപടിയില്‍ പ്രതിഷേധിച്ചായിരുന്നു കുന്ദന്‍ ശര്‍മയുടെ നടപടി. പിന്നാലെയാണ് പാര്‍ട്ടിയുടെ ചിഹ്നം ഡിസൈന്‍ ചെയ്ത സുനില്‍ ലാലും തന്റെ സംഭാവന തിരികെയാവശ്യപ്പെട്ടത്. പാര്‍ട്ടി ചിഹ്നത്തിന്റെ അവകാശം ബൗദ്ധികസ്വത്തവാകശമനുസരിച്ച് തനിക്കാണെന്നും ഇനിമേല്‍ ഈ ചിഹ്നം പാര്‍ട്ടി ഉപയോഗിക്കരുതെന്നുമാണ് സുനില്‍ ലാലിന്റെ നിലപാട്.
ഗ്രൂപ്പ് യുദ്ധത്തില്‍ അടിത്തറയിളകിയ ആം ആദ്മി പാര്‍ട്ടിയില്‍ കൊഴിഞ്ഞുപോക്കും അവകാശത്തര്‍ക്കങ്ങളും തുടരുകയാണ്. അരവിന്ദ് കേജരിവാളിന് സമ്മാനിച്ച കാര്‍ തിരികെയാവശ്യപ്പെട്ട് കുന്ദന്‍ശര്‍മയെന്ന പാര്‍ട്ടിപ്രവര്‍ത്തകന്‍ രംഗത്തെത്തിയിരുന്നു. തൊട്ടുപിന്നാലെയാണ് പാര്‍ട്ടിയുടെ ചിഹ്നമായ ചൂലിന്‍മേല്‍ അവകാശമുന്നയിച്ച് ചിഹ്നം ഡിസൈന്‍ചെയ്ത സുനില്‍ ലാലും പാര്‍ട്ടിയെ സമീപിച്ചിരിക്കുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha