കാര്ഷികനിയമങ്ങള്ക്കെതിരായ പ്രക്ഷോഭം കൂടുതല് ശക്തമാക്കി കര്ഷകര്... അതിര്ത്തികളിലേക്കു കൂടുതല് കര്ഷകര് പ്രവഹിക്കാന് തുടങ്ങിയതോടെ ഡല്ഹി പോലീസിനു പുറമേ, ദ്രുത കര്മസേനയെയും അര്ധസൈനികരെയും അധികമായി സുരക്ഷയ്ക്കു വിന്യസിച്ചു
കാര്ഷികനിയമങ്ങള്ക്കെതിരായ പ്രക്ഷോഭം കൂടുതല് ശക്തമാക്കി കര്ഷകര്. സമരത്തിന്റെ 19-ാം ദിവസമായ തിങ്കളാഴ്ച രാജ്യതലസ്ഥാനത്തെ നാല് അതിര്ത്തികള്ക്കു പുറമേ, ഡല്ഹി-ജയ്പുര് ദേശീയപാതയും ആഗ്ര-ഡല്ഹി എക്സ്പ്രസ്പാതയുമടക്കം തലസ്ഥാനത്തേക്കുള്ള അഞ്ചു ദേശീയപാതകളും ഉപരോധത്തില് സ്തംഭിച്ചു. പ്രധാന സമരകേന്ദ്രമായ സിംഘുവില് കര്ഷകനേതാക്കള് രാവിലെ എട്ടുമുതല് വൈകീട്ട് അഞ്ചുവരെ നിരാഹാരമിരുന്നു.
ഡല്ഹി-യു.പി. അതിര്ത്തിയിലും ഹരിയാണ അതിര്ത്തിയായ തിക്രിയിലും നിരാഹാരസമരം നടന്നു. അതിര്ത്തികളിലേക്കു കൂടുതല് കര്ഷകര് പ്രവഹിക്കാന് തുടങ്ങിയതോടെ ഡല്ഹി പോലീസിനു പുറമേ, ദ്രുത കര്മസേനയെയും അര്ധസൈനികരെയും അധികമായി സുരക്ഷയ്ക്കുവിന്യസിച്ചു.സമരം കൂടുതല് ശക്തമാക്കാന് ഉത്തര്പ്രദേശ്, രാജസ്ഥാന്, പഞ്ചാബ്, ഹരിയാണ, ഉത്തരാഖണ്ഡ് എന്നീ സംസ്ഥാനങ്ങളില്നിന്നായി കൂടുതല് കര്ഷകര് ഡല്ഹിയിലേക്കു വന്നുകൊണ്ടിരിക്കുന്നുവെന്ന് ഓള് ഇന്ത്യ കിസാന് സംഘര്ഷ് കോ-ഓര്ഡിനേഷന് കമ്മിറ്റി അറിയിച്ചു.
രാജ്യത്തെ 341 ജില്ലകളില് പ്രക്ഷോഭം നടന്നതായി കര്ഷകനേതാക്കള് പറഞ്ഞു. ജയ്പുര് ദേശീയപാത തുടര്ച്ചയായി രണ്ടാംദിവസവും സ്തംഭിച്ചു. ഡല്ഹി ചലോ മാര്ച്ചു നടത്തിയ കര്ഷകരെ ഞായറാഴ്ച ഷാജഹാന്പുരില് തടഞ്ഞതിനെത്തുടര്ന്ന് അവിടെ ധര്ണ നടത്തുകയാണ് സമരക്കാര്. മഹാരാഷ്ട്രയില്നിന്നുള്ള കര്ഷകരും ഡല്ഹിക്കു പുറപ്പെട്ടു. ഡല്ഹി-ആഗ്ര എക്സ്പ്രസ് പാതയിലെ പല്വലിലും പ്രക്ഷോഭക്കാര് പിന്മാറിയിട്ടില്ല.
പഞ്ചാബിലും ഹരിയാണയിലും ജില്ലാകമ്മിഷണര്മാരുടെ ഓഫീസുകള്ക്കു മുന്നില് പ്രതിഷേധം ശക്തമായി. ഹരിയാണയെയും പഞ്ചാബിനെയും ബന്ധിപ്പിക്കുന്ന ശംഭു അതിര്ത്തിയില് കര്ഷകര് തമ്പടിച്ചതോടെ അംബാല-പട്യാല ദേശീയപാത പോലീസ് അടച്ചിട്ടു.
" f
https://www.facebook.com/Malayalivartha
