വളര്‍ത്തുനായ്​ക്കള്‍ക്ക്​ ചപ്പാത്തി ഉണ്ടാക്കി കൊടുത്തില്ല . കലിപൂണ്ട ​ 25 കാരന്‍ സഹോദരിയെ വെടിവെച്ചുകൊന്നു. ഉത്തര്‍പ്രദേശിലെ ഭവന്‍പുര്‍ മേഖലയി​ലാണ്​ ഈ സംഭവം നടന്നിരിക്കുന്നത് . പൊലീസ്​ അറസ്​റ്റ്​ ചെയ്​ത അശിഷിനെ റിമാന്‍റ്​ ചെയ്​തു. അശിഷിന്​ 20 നായ്​ക്കളുണ്ട്​. അവയെ പരിപാലിക്കുന്നതുമായി ബന്ധപ്പെട്ട്​ 23 കാരിയായ സഹോദരി പരുളുമായി എന്നും തര്‍ക്കം പതിവായിരുന്നു.

എന്നാൽ സംഭവ ദിവസം നായ്​ക്കള്‍ക്ക്​ ചപ്പാത്തി ഉണ്ടാക്കാന്‍ അശിഷ്​ സഹോദരിയോട്​ ആവശ്യപ്പെടുകയായിരുന്നു . നിരസിച്ച ഉടനെ വെടിവെക്കുകയായിരുന്നുവെന്ന്​ പൊലീസ്​ പറയുന്നു. തലയിലും നെഞ്ചിലുമാണ്​ വെടിയേറ്റത്​. അശിഷ്​ തന്നെയാണ്​ പൊലീസിനെ വിവരമറിയിച്ചത്​.വളര്‍ത്തു നായ്​ക്കളെ ചൊല്ലി അശിഷും സഹോദരിയും തമ്മില്‍ തര്‍ക്കവും ബഹളവും പതിവായിരുന്നെന്ന്​ അയല്‍വാസികളെ ഉദ്ധരിച്ച്‌​ വാര്‍ത്താ ഏജന്‍സികള്‍ റിപ്പോര്‍ട്ട്​ ചെയ്​തു.