കഴുതയുടെ ചാണകവും ആസിഡും ഉപയോഗിച്ച്‌ വ്യാജ കറി മസാലകള്‍. ഇത്തരത്തിൽ നിര്‍മിച്ചയാളെ പൊലീസ് അറസ്റ്റ് ചെയ്തു. ഉത്തര്‍പ്രദേശിലെ ഹാഥ്‌രസിലാണ് സംഭവം നടന്നത്. യു.പി മുഖ്യമന്ത്രി ആദിത്യനാഥ് യോഗി 2002ല്‍ സ്ഥാപിച്ച സംഘടനയായ ഹിന്ദു യുവ വാഹിനി സംഘടനയിലെ നേതാവായ അനൂപ് വര്‍ഷ്‌നിയാണ് പോലീസ് അറസ്റ്റ് ചെയ്തത്.

സംശയത്തെ തുടർന്ന് നാവിപൂര്‍ മേഖലയില്‍ സ്ഥിതി ചെയ്യുന്ന അനൂപിന്റെ ഫാക്ടറിയില്‍ നടത്തിയ റെയ്ഡില്‍ മുളക് പൊടി, മല്ലിപ്പൊടി, ഗരം മസാല, മഞ്ഞള്‍പ്പൊടി തുടങ്ങിയ കറി മസാലകളാണ് മായം കലര്‍ന്നതായി തെളി‌ഞ്ഞത്. ഇതിനെ തുടര്‍ന്നാണ് പോലീസ് ഇവയെല്ലാം പിടിച്ചെടുത്തത്. കഴുതയുടെ ചാണകം, ഭക്ഷ്യയോഗ്യമല്ലാത്ത കൃത്രിമ നിറങ്ങള്‍ നല്‍കുന്ന വസ്തുക്കള്‍, ആസിഡ്, ഉണക്കപ്പുല്ല് തുടങ്ങിയവ ഉപയോഗിച്ചാണ് മസാലകള്‍ നിര്‍മിച്ചിരുന്നതെന്ന് പൊലീസ് കണ്ടെത്തിയിരുന്നു.

മാത്രമല്ല, കഴുതയുടെ ചാണകം ഉണക്കിപ്പൊടിച്ചായിരുന്നു ഉപയോഗിച്ചിരുന്നത്. കറി മസാലകളുടെ 27 സാമ്ബിളുകള്‍ പൊലീസ് പരിശോധനയ്ക്കായി അയക്കുകയുണ്ടായി. ഇതോടൊപ്പം 300 കിലോഗ്രാമിലധികം മായം കലര്‍ന്ന കറി മസാലകള്‍ പൊലീസ് പിടിച്ചെടുത്തു. ലോക്കല്‍ ബ്രാന്‍ഡുകളുടെ പേരിലാണ് ഈ വ്യാജ കറി മസാലകള്‍ പായ്ക്ക് ചെയ്ത് വിൽപ്പനയ്ക്ക് എത്തിച്ചിരുന്നത്. ഫാക്ടറിയ്ക്ക് ലൈസന്‍സുമില്ലായിരുന്നു. ഫാകട്റി പൊലീസ് പൂട്ടിച്ചു.