പുതിയ സംവിധാനം വരുന്നു ;ഇനി മുതൽ ആധാറില് വിലാസം മാറ്റിയാല്മതി ബാങ്ക് അക്കൗണ്ട്, പാന് തുടങ്ങിയവയില് താനെമാറും
വിലാസം മാറിയാലും ഇനി അധികം നൂലാമാലകൾ ഇല്ല .സാധാരണ ഗതിയിൽ നമ്മുടെ സ്ഥിരം വിലാസം മാറുകയാണെകിൽ കൂടുതൽ നൂലാമാലകൾ ആണ് അല്ലെ .എന്നാൽ ഇനി അത്തരം ബുദ്ധിമുട്ടുകൾ ഓർത്ത് വിഷമിക്കേണ്ട .കാരണം പുതിയ സംവിധാനത്തിന്റെ സൂചനകൾ നൽകി ഇപ്പോൾ സർക്കാർ വൃത്തങ്ങൾ തന്നെ രംഗത്ത് വന്നിരിക്കുകയാണ് .വിലാസം മാറിയാൽ ഇനി ആധാറില്മാത്രം പുതുക്കിയാല് മതിയാകും. ബാങ്ക്, ഇന്ഷുറന്സ് ഉള്പ്പടെയുള്ള രേഖകളിലെല്ലാം താനെ വിലാസം മാറുന്ന സംവിധാനം വൈകാതെ രാജ്യത്ത് നടപ്പാകും. ആധാറുമായി എല്ലാ ഡാറ്റാബേയ്സും ബന്ധിപ്പിക്കുന്ന സംവിധാനം ഉടനെ തയ്യാറാകുമെന്ന് സര്ക്കാര് വൃത്തങ്ങള് സൂചിപ്പിച്ചു. ഇത് എന്തായാലും എല്ലാവർക്കും കൂടുതൽ സൗകര്യപ്രദമായ ഒരു സംവിധാനം ആണ് എന്നാണ് പൊതുവെ ഉള്ള വിലയിരുത്തൽ .
നിലവില് വിലാസം തെളിയിക്കുന്നതിനുള്ള ആധികാരിക രേഖയായി കൂടുതല്പേരും ആധാറാണ് ഉപയോഗിക്കുന്നത്. സര്ക്കാര്, സ്വകാര്യ സ്ഥാപനങ്ങള് ഉള്പ്പടെുള്ളവയും വിലാസം കെവൈസി എന്നിവയ്ക്കും സബ്സിഡി ഉള്പ്പടെയുള്ളവ ലഭിക്കുന്നതിനും ആധാറാണ് പരിഗണിക്കുന്നത്.രാജ്യത്തെ പൗരന്മാരുടെ സമ്പൂർണ്ണ രേഖയായി ആധാർ മാറിയിട്ട് കുറച്ചു നാളുകളായി .ഇപ്പോൾ മേൽവിലാസം തെളിയിക്കാനും മറ്റു ആവശ്യങ്ങൾക്കും ആധാർകാർഡ് ആണ് ഉപയോഗിക്കുന്നത് .എന്തായാലും പുതിയ സംവിധാനം ആധാറില് വിലാസം പുതുക്കിയാല് ബാങ്ക് അക്കൗണ്ട്, ടെലികോം, ലൈഫ് ഇന്ഷുറന്സ് പോളിസി, ഗ്യാസ് കണക് ഷന്, പാന് എന്നിവയിലെല്ലാം താനെ മാറുന്ന രീതിയിലാണ് പുതിയ സംവിധാനം തയ്യാറാകുന്നത്. മാസങ്ങള്ക്കുള്ളില് സംവിധാനം പ്രാവര്ത്തികമാകും. ഇലക്ട്രോണിക്സ് ആന്ഡ് ഐടി മന്ത്രാലയമാണ് പദ്ധതിക്കുപിന്നില്. അതെ സമയം വിവിധ ആവശ്യങ്ങള്ക്കായി ഏറ്റവും കൂടുതല്പേര് ഉപയോഗിക്കുന്ന തിരിച്ചറിയല് രേഖയാണ് ആധാര്കാര്ഡ്. കോവിഡ് വ്യാപനത്തെതുടര്ന്ന് ആധാര് സേവാകേന്ദ്രത്തില്പോയി കാര്ഡില്മാറ്റംവരുത്താന് സാധിക്കാത്ത അവസ്ഥയിലാണ് പലരും.
ഈ സാഹചര്യം കണക്കിലെടുത്ത് വീട്ടിലിരുന്നും രേഖകള് ഓണ്ലൈനായി പുതുക്കാനുള്ള സൗകര്യമൊരുക്കിയിരിക്കുകയാണ് യുണിക് ഐഡന്റിഫിക്കേഷന് അതോറിറ്റി ഓഫ് ഇന്ത്യ(യുഐഡിഎഐ)അധികൃതര്.പേര്, ജനന തിയതി, ലിംഗം, വിലാസം, ഭാഷ എന്നിവ പുതുക്കാന് ഇനി ആധാര് സേവാകേന്ദ്രങ്ങളില് പോകേണ്ടതില്ല. ബയോമെട്രിക് ഉള്പ്പടെയുള്ളവയ്ക്ക് സേവനകേന്ദ്രങ്ങളുടെ സഹായംതേടേണ്ടിവരും.ആധാര് വിവരങ്ങള് ഓണ്ലൈനില് പുതുക്കാന് മൊബൈല് നമ്പര് രജിസ്റ്റര് ചെയ്തിരിക്കണമെന്ന് നിര്ബന്ധമാണ്. മൊബൈലില് ലഭിക്കുന്ന ഒടിപി നല്കിയാല്മാത്രമെ പുതുക്കല് സാധ്യമാകൂ. ആധാറില് നല്കിയിട്ടുള്ള മൊബൈല് നമ്പറും ഇ-മെയിലും പരിശോധിക്കുന്നതിന് യുഐഡിഎഐയുടെ വെബ്സൈറ്റില് സൗകര്യമുണ്ട്. സൈറ്റില് ആധാര് നമ്പര്, ഇ-മെയില് വിലാസമോ മൊബൈല് നമ്പറോ നല്കി സെക്യൂരിറ്റി കോഡ് ടൈപ്പ് ചെയ്യുക. ഉടനെ ഇ-മെയിലില് ഒടിപി ലഭിക്കും. നിശ്ചിത സ്ഥലത്ത് ഒടിപി നല്കിക്കഴിഞ്ഞാല് പരിശോധനയ്ക്കുശേഷം ഇ-മെയില് സ്ഥിരികരിച്ചുകൊണ്ടുള്ള അറിയിപ്പ് ലഭിക്കും. അതുപോലെ മൊബൈല് നമ്പര് പരിശോധിക്കാന്, ഇ-മെയിലിനുപകരം മൊബൈല് നമ്പര് നല്കാം. ഒടിപി നല്കി ഇക്കാര്യവും സ്ഥിരീകരിക്കാം.
https://www.facebook.com/Malayalivartha
