എല്ലാ ഡേറ്റാ ബേയ്സും ആധാറുമായി ബന്ധിപ്പിക്കുന്ന സംവിധാനം ഉടനെ തയ്യാറാകുമെന്ന് കേന്ദ്ര സര്ക്കാര്
01 JANUARY 2021 08:00 PM IST
മലയാളി വാര്ത്ത
രാജ്യത്തെ പൗരന്മാരുടെ എല്ലാ ഡാറ്റാ ബേയ്സും ആധാറുമായി ബന്ധിപ്പിക്കുന്ന സംവിധാനം ഉടനെ തയ്യാറാകുമെന്ന് കേന്ദ്ര സര്ക്കാര്. ഈ പരിഷ്കാരം നിലവില് വന്നാല് മേല്വിലാസം മാറുന്നതിന് അനുസരിച്ച് കൈവശമുള്ള എല്ലാ രേഖകളിലും തിരുത്ത് വരുന്ന ഓട്ടോമാറ്റിക് സംവിധാനമായിരിക്കും നിലവില് വരുന്നത്. രേഖകള് തിരുത്താന് സര്ക്കാര് ഓഫീസുകളുടെ പടി കയറി ഇറങ്ങേണ്ട അവസ്ഥ ഇതോടെ ഇല്ലാതാവും. ആധാറില് വിലാസം പുതുക്കിയാല് ബാങ്ക് അക്കൗണ്ട്, ടെലികോം, ലൈഫ് ഇന്ഷുറന്സ് പോളിസി, ഗ്യാസ് കണക്ഷന്, പാന് എന്നിവയിലെല്ലാം താനെ മാറുന്ന രീതിയിലാണ് പുതിയ സംവിധാനം തയ്യാറാകുന്നത്. ഇലക്ട്രോണിക്സ് ആന്ഡ് ഐടി മന്ത്രാലയത്തിന്റെ നേതൃത്വത്തില് മാസങ്ങള്ക്കുള്ളില് സംവിധാനം പ്രാവര്ത്തികമാക്കാനാണ് സര്ക്കാര് തീരുമാനം.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
