വാക്സിൻ സ്വീകരിച്ച തെലങ്കാന ആരോഗ്യ പ്രവർത്തകൻ അന്തരിച്ചു; കടുത്ത നെഞ്ചുവേദനയെ തുടർന്ന് ആശുപത്രിയയിൽ എത്തുന്നതിനു മുൻപാണ് മരിച്ചത്
തെലങ്കാനയിൽ കോവിഡ് വാക്സിൻ സ്വീകരിച്ച 42 വയസ്സായ ആരോഗ്യപ്രവർത്തകൻ അന്തരിച്ചു. വാക്സിൻ സ്വീകരിച്ച് 16 മണിക്കൂറിനുശേഷം മരണമടഞ്ഞത്. കടുത്ത നെഞ്ചുവേദനയെ തുടർന്ന് ആശുപത്രിയയിൽ എത്തുന്നതിനു മുൻപാണ് മരിച്ചത്. തെലങ്കാന നിർമ്മൽ ജില്ലയിലായിരുന്നു സംഭവം. വാക്സിനുമായി ഇതിന് യാതൊരുവിധ ബന്ധവുമില്ലന്നാണ് പ്രാഥമിക റിപ്പോർട്ടുകൾ .
ഇന്നലെ രാവിലെ പതിനൊന്നരയോടു കൂടിയാണ് വാക്സിന്റെ ആദ്യത്തെ ഡോസ് ഇദ്ദേഹം സ്വീകരിച്ചത്. എന്നാൽ ഇന്ന് രാവിലെ 2 .30 മുതൽ നെഞ്ചുവേദന അനുഭവപ്പെടുകയായിരുന്നു. ഇതേതുടർന്ന് ആശുപത്രിയിൽ എത്തിച്ചിരുന്നെങ്കിലും അഞ്ചരയോടെ ഇദ്ദേഹം മരിക്കുകയായിരുന്നു. ആരോഗ്യവിഭാഗത്തിന്റെ വാർത്തകുറിപ്പിലാണ് ഇത് വ്യക്തമാക്കിയിരിക്കുന്നത്. കുത്തിവെയ്പിന് ശേഷമുള്ള പാര്ശ്വഫലങ്ങള് വിലയിരുത്തുന്നതായി സര്ക്കാര് തലത്തില് രൂപം നല്കിയ ജില്ലാ കമ്മിറ്റി സംഭവം അന്വേഷിച്ച് റിപ്പോര്ട്ട് നല്കുമെന്നും വാര്ത്താക്കുറിപ്പില് പറയുന്നു.
https://www.facebook.com/Malayalivartha