ഗാന്ധിജിയുടെ രക്തസാക്ഷിത്വ ദിനത്തില് സ്വാതന്ത്ര്യത്തിനായി പോരാടിയ ധീരനേതാക്കളെ സ്മരിക്കുന്നതിനായി മൗനം ആചരിക്കണം; സംസ്ഥാന സര്ക്കാരുകള്ക്കും കേന്ദ്ര ഭരണ പ്രദേശങ്ങള്ക്കും കേന്ദ്ര സര്ക്കാരിന്റെ സർക്കുലർ
രക്തസാക്ഷി ദിനമായ ജനുവരി 30 ന് രണ്ട് മിനിറ്റ് നേരം രാജ്യം മുഴുവന് മൗനം ആചരിക്കണമെന്ന് കേന്ദ്ര സര്ക്കാര്. രാവിലെ പതിനൊന്ന് മണി മുതല് രണ്ട് മിനിറ്റ് മൗനം പാലിച്ച് രക്തസാക്ഷികളായ ധീരയോദ്ധാക്കളെ സ്മരിക്കണം. ഇത് സംബന്ധിച്ച് കേന്ദ്ര സര്ക്കാര് സംസ്ഥാന സര്ക്കാരുകള്ക്കും കേന്ദ്ര ഭരണ പ്രദേശങ്ങള്ക്കും സര്ക്കുലര് നല്കി.
ഗാന്ധിജിയുടെ രക്തസാക്ഷിത്വ ദിനത്തില് രാജ്യത്തിന്റെ സ്വാതന്ത്ര്യത്തിനായി പോരാടിയ ധീരനേതാക്കളെ സ്മരിക്കുന്നതിനാണ് ചടങ്ങ്. മൗനാചരണത്തിന്റെ ഭാഗമായി രണ്ട് മിനിറ്റ് നേരം ചലിക്കാതെ നില്ക്കണം. സാധ്യമായ എല്ലാ സ്ഥലങ്ങളിലും മുന്നറിയിപ്പ് നല്കുന്നതിന് സൈറണ് മുഴക്കണം. സൈറണ് കേള്ക്കുന്ന സമയത്ത് തന്നെ എല്ലാവരും എഴുന്നേറ്റ് നിന്ന് മൗനാചരണത്തില് പങ്കെടുക്കണമെന്നാണ് കേന്ദ്ര സര്ക്കാര് നിര്ദ്ദേശം. നിലവില് ചില ഓഫീസുകളില് മൗനാചരണം നടത്തിവരുന്നുണ്ട്.
https://www.facebook.com/Malayalivartha
