അഞ്ഞൂറാനും ആനപ്പാറയിലെ അച്ചാമ്മയും തമ്മിലുള്ള കുടിപ്പകയുടെ കഥ പറഞ്ഞ ഗോഡ് ഫാദര്‍ മലയാളികളുടെ മനസില്‍ എന്നും മായാതെ നില്‍ക്കുന്ന സിനിമയാണ്. അടുത്തകാലത്തായി രാജ്യവും സമാനമായി രണ്ട് രാഷ്ട്രീയ എതിരാളികളെയാണ് കാണുന്നത്. ഇന്ത്യയുടെ പ്രധാനമന്ത്രി നരേന്ദ്രമോദിയും ബംഗാള്‍ മുഖ്യമന്ത്രി മമത ബാനര്‍ജിയും.

കൊണ്ടും കൊടുത്തും ദ ഗ്രേറ്റ് ഇന്ത്യന്‍ പൊളിറ്റിക്‌സിലെ നായകനും നായികയും പൊളിക്കുകയാണ്. അതേസമയം സിനിമയിലേതിന് സമാനമല്ലെങ്കില്‍ പോലും ചില കാര്യങ്ങള്‍ ഇവിടെ നടക്കുന്നുണ്ട്. സിനിമയിലെ സന്ദര്‍ഭം വേറെയാണ്. എല്ലാ വൈരാഗ്യവും മറന്ന് അച്ചാമ്മയുടെ വീട്ടിലെ കല്യാണം നടത്താന്‍ എത്തുന്ന അഞ്ഞൂറാനെയും അഞ്ഞൂറാന്റെ മുന്നില്‍ നില്‍ക്കുന്ന അച്ചാമ്മയേയും ചില രാഷ്ട്രീയ സാഹചര്യങ്ങളുടെ പശ്ചാത്തലത്തില്‍ സാമ്യം തോന്നിയാല്‍ അത് തികച്ചും യാദൃശ്ചികം മാത്രം.

കഴിഞ്ഞ ദിവസം രാജ്യം കണ്ടത് അത്തരത്തിലൊന്നാണ് . ബംഗാളില്‍ കോവിഡ് സ്ഥിതി രൂക്ഷമായതോടെ മുഖ്യമന്ത്രി മമതാ ബാനര്‍ജി പ്രധാനമന്ത്രിയുടെ സഹായം തേടി, കൊല്‍ക്കത്തയിലെ പ്രചാരണം ഉപേക്ഷിച്ച് തൃണമൂല്‍ അധ്യക്ഷ മാതൃകയുമായി. പശ്ചിമബംഗാളില്‍ കോവിഡ് കേസുകളും മരണങ്ങളും ഉയരുന്നതിനിടെയാണ്, പ്രധാനമന്ത്രി നരേന്ദ്രമോദിയെ മുഖ്യമന്ത്രി മമതാ ബാനര്‍ജി സമീപിച്ചത് .

കുടുതല്‍ മരുന്നുകള്‍ക്കും വാക്സിനുകള്‍ക്കും വേണ്ടിയാണ് സഹായം അഭ്യര്‍ഥിച്ചത്. സംസ്ഥാനത്തെ കോവിഡ് വ്യാപനം തടയാന്‍ വിപുലമായ ക്രമീകരണങ്ങളൊരുക്കാനും മമത ഉന്നത ഉദ്യോഗസ്ഥരോട് നിര്‍ദേശിച്ചു.

എല്ലാ തെരഞ്ഞെടുപ്പ് പ്രചാരണ റാലികളിലും മമത ബാനര്‍ജി ഇനി മുതല്‍ അര മണിക്കൂര്‍ മാത്രമേ പങ്കെടുക്കൂവെന്ന് തൃണമൂല്‍ കോണ്‍ഗ്രസ് പറഞ്ഞു .

കൊല്‍ക്കത്ത നഗരത്തില്‍ റാലികള്‍ നടത്തില്ല. പ്രചാരണം അവസാനിക്കുന്ന ഏപ്രില്‍ 26ന് പ്രതീകാത്മകമായി ഒരു യോഗം മാത്രമേ നടത്തുവെന്നും ടി എം സി അറിയിച്ചു.ബംഗാളിലെ തെരഞ്ഞെടുപ്പ് പ്രചാരണം കൊവിഡിന്റെ തീവ്ര വ്യാപനത്തിന് വഴിവെക്കുമെന്ന വിമര്‍ശനത്തിനിടെയാണ് തീരുമാനം.

അതേസമയം തൃണമൂലിന്റെ പുതിയ നീക്കം മോദിയുടെയും അമിത് ഷായുടെയും നേതൃത്വത്തില്‍ റാലികള്‍ നടത്തുന്ന ബിജെപി ക്ക് പ്രതിസന്ധിയാകുന്നതാണ് എന്നു വിലിയിരുത്തവരും കുറവല്ല. കൊവിഡ് ചൂണ്ടിക്കാട്ടി നേരത്തെ കോണ്‍ഗ്രസ് നേതാവ് രാഹുല്‍ ഗാന്ധി എല്ലാ റാലികളും റദ്ദാക്കിയിരുന്നു. ഒരു വശത്ത് സഹായം അഭ്യര്‍ഥിക്കുന്ന മമത ഇതിനിടയില്‍ മോദിക്കിട്ട് കുത്താനും മറന്നിട്ടില്ല.

കൊവിഡ് പ്രതിരോധ വാക്‌സീന്‍ വിദേശത്തേക്ക് കയറ്റി അയയ്ക്കുന്നതില്‍ കേന്ദര്‌സര്‍ക്കാരിനെ കുറ്റപ്പെടുത്തി പശ്ചിമബംഗാള്‍ മുഖ്യമന്ത്രി ഇടയ്ക്കിടെ വരുന്നുണ്ട്. കേരളത്തിലെ ആരോഗ്യമന്ത്രിയുടെ അതേ നിലാപാട് തന്നൊണ് മമതയ്ക്കും. മരുന്നുകള്‍ കയറ്റി അയക്കുന്നതില്‍ വിരോധമില്ല, പക്ഷേ ആദ്യം മരുന്ന് ലഭ്യമാക്കേണ്ടത് രാജ്യത്തെ പൗരന്മാര്‍ക്ക് ആണ്.

തീര്‍ന്നില്ല രാജ്യത്ത് റെംഡിസിവിറിന്റെയും ഓക്‌സിജന്റേയും ദൗര്‍ലഭ്യം ഉണ്ട്. രാജ്യത്ത് മരുന്നുക്ഷാമവും ഉണ്ട്. എന്നാല്‍ സര്‍ക്കാര്‍ മരുന്നുകള്‍ കയറ്റി അയക്കുന്നു. പ്രശസ്തിക്ക് വേണ്ടിയാണ് മരുന്ന് കയറ്റി അയക്കുന്നതെന്നും മമത ബാനര്‍ജി പരിഹസിച്ചു.

വാക്‌സിന്‍, ഓക്‌സിജന്‍ ക്ഷാമം പരിഹരിക്കണമെന്നാവശ്യപ്പെട്ട് പ്രധാനമന്ത്രിക്ക് വീണ്ടും മമത ബാനര്‍ജി കത്ത് അയച്ചിരുന്നു. മമതയുടെ വിമര്‍ശനങ്ങള്‍ക്കിടയിലും ബംഗാളിന് വേണ്ട ജീവശ്വാസം എത്തിക്കാനുള്ള എല്ലാ ശ്രമങ്ങളും കേന്ദ്രം നടത്തുന്നുണ്ട്. നേരത്തെ ചുഴലിക്കാറ്റിന്റെ സമയത്തും സമാനമായ വാദപ്രതിവാദങ്ങള്‍ക്കിടയിലും ഇരുനേതാക്കളും വളരെ സഹകരണ മനോഭാവത്തോടെയാണ് പെരുമാറിയത്.