ഇതും ഒരു മന്ത്രി. കര്‍ഷകനെ സഹായിച്ചില്ലെങ്കിലും ഉപദ്രവിക്കരുത്. സാമ്പത്തിക പ്രതിസന്ധിയും കൃഷി നാശവും കാരണം ആത്മഹത്യ ചെയ്ത കര്‍ഷകരെ അപമാനിച്ച് കേന്ദ്ര കൃഷി മന്ത്രി രാധാ മോഹന്‍ സിങ്. പ്രണയ നൈരാശ്യവും ലൈംഗിക ശേഷിക്കുറവുമാണ് കര്‍ഷകരെ ആത്മഹത്യയിലേക്ക് നയിക്കുന്നതെന്ന് മന്ത്രി പറഞ്ഞു. കഴിഞ്ഞ വര്‍ഷം രാജ്യത്ത് 1400 കര്‍ഷകര്‍ ആത്മഹത്യ ചെയ്തതായാണ് കണക്ക്. ഇത് സംബന്ധിച്ച് രാജ്യസഭയില്‍ ഉന്നയിക്കപ്പെട്ട ചോദ്യത്തിന് എഴുതി നല്‍കിയ മറുപടിയിലാണ് കര്‍ഷക ആത്മഹത്യയുടെ കാരണമായി പ്രണയ നൈരാശ്യവും ശേഷിക്കുറവുമാണെന്ന് മന്ത്രി പ്രസ്താവലിച്ചത്.
നാഷണല്‍ െ്രെകം റെക്കോര്‍ഡ്‌സ് ബ്യൂറോയുടെ കണക്കുകളെ ഉദ്ധരിച്ചാണ് മന്ത്രിയുടെ മറുപടി. കുടുംബ പ്രശ്‌നങ്ങള്‍, അസുഖങ്ങള്‍, മദ്യത്തിന്റെയും മയക്കുമരുന്നിന്റെയും ഉപയോഗം, സ്ത്രീധന പ്രശ്‌നങ്ങള്‍ തുടങ്ങിയവയും കര്‍ഷക ആത്മഹത്യയുടെ കാരണങ്ങളാണെന്ന് മന്ത്രി പറയുന്നു. അതേസമയം കര്‍ഷകരുടെ കടബാധ്യതയും അവരെ ആത്മഹത്യയിലേക്ക് നയിക്കുന്നുവെന്ന് മന്ത്രി സമ്മതിച്ചു. എന്നാല്‍ ആത്മഹത്യയുടെ പ്രധാന കാരണങ്ങള്‍ പ്രണയ നൈരാശ്യവും ശേഷിക്കുറവും കുടുംബ പ്രശ്‌നങ്ങളും ആണെന്ന് മന്ത്രി വാദിക്കുന്നു.
മന്ത്രിയുടെ പരാമര്‍ശത്തിനെതിരെ സഭയില്‍ പ്രതിപക്ഷം പ്രതിഷേധിച്ചു. മന്ത്രിക്കെതിരെ നിയമനടപടി സ്വീകരിക്കുമെന്ന് ജനതാദള്‍ (യു) നേതാവ് കെ.സി ത്യാഗി പറഞ്ഞു. പ്രസ്താവനയെ രൂക്ഷമായി വിമര്‍ശിച്ച് കോണ്‍ഗ്രസ് വക്താവ് രാജ് ബബ്ബാറും രംഗത്ത് വന്നു. ലളിത് മോഡി, വ്യാപം വിഷയങ്ങള്‍ക്ക് പിന്നാലെ ഭരണപക്ഷത്തെ അടിക്കാന്‍ കിട്ടിയ പുതിയ വിഷയം പ്രതിപക്ഷം ആയുധമാക്കുകയാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha