സുഷമ സ്വരാജിനെതിരെ രാഹുല് നടത്തിയ പരാമര്ശം: രാഹുല് മാപ്പു പറയേണ്ട ആവശ്യമില്ലെന്ന് കോണ്ഗ്രസ്
സുഷമ സ്വരാജിനെതിരെ നടത്തിയ പരാമര്ശത്തില് രാഹുല് ഗാന്ധി മാപ്പു പറയണമെന്ന ബിജെപിയുടെ ആവശ്യം കോണ്ഗ്രസ് തള്ളി. സുഷമ സ്വരാജിനെതിരെ ക്രിമിനല് കുറ്റം ആരോപിച്ച കോണ്ഗ്രസ് ഉപാധ്യക്ഷന് രാഹുല് ഗാന്ധി മാപ്പു പറഞ്ഞില്ലെങ്കില് നിയമ നടപടി സ്വീകരിക്കുമെന്ന് ഇന്നലെ മന്ത്രി നിതിന് ഗഡ്കരി വ്യക്തമാക്കിയിരുന്നു.
ബിജെപി നടത്തുന്ന ആരോപണം രാഹുല് പറഞ്ഞിട്ടില്ലെന്നും വിദേശകാര്യമന്ത്രി സുഷമാ സ്വരാജിനെതിരേ ആരോപണം നടത്തി വിധി പറയുന്നത് തങ്ങളുടെ ജോലിയല്ലെന്നും കോണ്ഗ്രസ് വക്താവ് അഭിഷേക് സിംഗ്വി പറഞ്ഞു. രാഹുല് ഒരിക്കലും അങ്ങിനെ പറഞ്ഞിട്ടില്ല. അതുകൊണ്ട് തന്നെ മാപ്പു പറയേണ്ട ആവശ്യവും ഉദിക്കുന്നില്ല. ലളിത് മോദിയെ സഹായിച്ച സുഷമ സ്വരാജ് കുറ്റക്കാരിയാണോ എന്നു തീരുമാനിക്കേണ്ടത് കോടതിയാണ്.
ലളിത് മോദി വിഷയത്തില് സുഷമ സ്വരാജ് ക്രിമിനല് കുറ്റം ചെയ്തതെന്ന് രാഹുല് ആരോപിച്ചത്. സുഷമയ്ക്കെതിരെ നടത്തിയ പരാമര്ശം മന്ത്രിയെ മാത്രമല്ല രാജ്യത്തെയും അപകീര്ത്തിപ്പെടുത്തുന്നതാണെന്നും രാഹുല് മാപ്പു പറയണമെന്നും ബിജെപി പറഞ്ഞിരുന്നു. അല്ലെങ്കില് രാഹുലിനെതിരെ മാനനഷ്ടക്കേസുമായി മുന്നോട്ടു പോകുമെന്നാണ് ബിജെപി പ്രതികരിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
