രണ്ട് ഇന്ത്യക്കാര്‍ക്ക് ഈ വര്‍ഷത്തെ രമണ്‍ മാഗസസെ പുരസ്‌കാരം. ഗൂഞ്ച് എന്ന സന്നദ്ധ സംഘടനയുടെ സ്ഥാപകനായ അന്‍ഷു ഗുപ്തയും ഐഎഫ്എസ് ഉദ്യോഗസ്ഥനായ സഞ്ജീവ് ചതുര്‍വേദിയുമാണ് പുരസ്‌കാരത്തിനര്‍ഹരായത്. ഗൂഞ്ച് എന്ന സന്നദ്ധസംഘടനയിലൂടെ സാമൂഹ്യ രംഗത്ത് നടത്തിയ സേവനങ്ങള്‍ പരിഗണിച്ചാണ് അന്‍ഷു ഗുപ്ത എന്ന ദില്ലി സ്വദേശിക്ക് ഈ വര്‍ഷത്തെ മാഗ്‌സസെ പുരസ്‌കാരം നല്‍കാന്‍ അവാര്‍ഡ് നിര്‍ണയ സമിതി തീരുമാനിച്ചത്.അഴിമതിക്കെതിരെ നടത്തുന്ന ധീരമായ പോരാട്ടമാണ് സഞ്ജീവ് ചഥുര്‍വേദിയെന്ന ഇന്ത്യന്‍ ഫോറസ്റ്റ് സര്‍വ്വീസ് ഉദ്യോഗസ്ഥനെ പുരസ്‌കാരത്തിന് അര്‍ഹനാക്കിയത്.
ഉപയോഗിച്ച് ഉപേക്ഷിക്കുന്ന വസ്ത്രങ്ങള്‍ ശേഖരിച്ച് ബിഹാര്‍, മധ്യപ്രദേശ്, ഝാര്‍ഖണ്ഡ് എന്നിവിടങ്ങളിലെ സാധാരണക്കാര്‍ക്ക് വിതരണം ചെയ്യുന്നതിലൂടെ അന്‍ഷു ഗുപ്തയും ഗൂഞ്ചും വലിയ മാതൃകയാണ് മുന്നോട്ട് വെക്കുന്നതെന്ന് സമിതി വിലയിരുത്തി. പഴംതുണികളില്‍ നിന്ന് സാനിറ്ററി നാപ്കിനുകള്‍ ഉണ്ടാക്കി ദരിദ്രരായ സ്ത്രീകള്‍ക്ക് അന്‍ഷു ഗുപ്തയുടെ സംഘടന വിതരണം ചെയ്യുന്നുന്നുണ്ട്.
പുരസ്‌കാരം കൂടുതല്‍ പേര്‍ക്ക് ഇത്തരം പ്രവര്‍!ത്തനങ്ങള്‍ ചെയ്യുന്നതിന് പ്രചോദനമാകട്ടെയെന്ന് അന്‍ഷു ഗുപ്ത പറഞ്ഞു.ദില്ലി ഓള്‍ ഇന്ത്യ ഇന്‍സ്റ്റിറ്റിയൂട്ട് ഓഫ് മെഡിക്കല്‍ സയന്‍സില്‍ നടന്ന ക്രമക്കേടുകള്‍ പുറത്ത് കൊണ്ടുവന്നതിലൂടെയാണ് എയിംസിലെ മുഖ്യ വിജിലന്‍സ് ഓഫീസറായിരുന്ന സഞ്ജീവ് ചതുര്‍വേദി വാര്‍ത്തകളില്‍ നിറയുന്നത്. അഴിമതി നടത്തിയ ഉദ്യോഗസ്ഥര്‍ക്കെതിരെ സിബിഐ അന്വേഷണം ആവശ്യപ്പെട്ടതിന് പിന്നാലെ ചതുര്‍വേദിയെ കേന്ദ്ര സര്‍ക്കാര്‍ സിവിഒ സ്ഥാനത്ത് നിന്ന് മാറ്റിയത് ഏറെ വിവാദമായിരുന്നു.

ചതുര്‍വേദിയെ ദില്ലി മുഖ്യമന്ത്രി അരവിന്ദ് കെജ്‌രിവാള്‍ ഓഫീസര്‍ ഓണ്‍ സ്‌പെഷ്യല്‍ ഡ്യൂട്ടിയായി നിയമിച്ചെങ്കിലും കേന്ദ്രസര്‍ക്കാര്‍ ഇതിന് ഇതുവരെ അനുമതി നല്‍കിയിട്ടില്ല. സര്‍ക്കാര്‍ അഴിമതി നേരിടുന്നതിന് പകരം അതിനെതിരെ പോരാടുന്ന ഉദ്യോഗസ്ഥരെ ഒറ്റപ്പെടുത്തരുതെന്ന സന്ദേശമാണ് തനിക്ക് ലഭിച്ച മാഗ്‌സസെ പുരസ്‌കാരം നല്‍കുന്നതെന്ന് ചതുര്‍വേദി പറഞ്ഞു

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha