തന്റെ അയുസ് വ്യഴാഴ്ച രാവിലെവരെയെ ഉണ്ടാകുള്ളുവെന്ന് യാക്കൂബ് മേമന് അറിയാമായിരുന്നു. അത് കൊണ്ട് തന്നെ മേമന്‍ ദിവസങ്ങളായി നിരാശയിലായിരുന്നു. ഇന്ന പുലര്‍ച്ചെ 3.20ന് കൂടിയ പ്രത്യേക സുപ്രീംകോടതിയുടെ വിധി വരകുന്നതുവരെയും മേമന് പ്രതീക്ഷ ഉണ്ടായിരുന്നു. തനിക്ക് കുറച്ച് ദിവസം കൂടി അയുസ് നീട്ടി കിട്ടുമെന്ന്. വധശിക്ഷ നടപ്പാക്കുന്നതിനെതിരെ കോടതിയില്‍ വലിയ വാദഗതികള്‍ അരങ്ങേറുന്നതിനിടയിലും പ്രതീക്ഷയോടെ മേമന്‍ കാത്തിരുന്നു. എന്നാല്‍ നാലരയോടെ പുതിയ ഹര്‍ജിയും തള്ളിയ വിവരം ജയിലധികൃതര്‍ മേമനെ അറിയിച്ചു. അതോടെ മേമന്‍ നിര്‍ജ്ജീവ അവസ്ഥയിലായി.

മേമന്റെ ഹര്‍ജി തള്ളിയ വിവരമെത്തിയതോടെ ജയലധികൃതര്‍ ഉടന്‍ തന്നെ വധശിക്ഷ നടപ്പിലാക്കാന്‍ വേണ്ട സജ്ജീകരണങ്ങള്‍ തുടങ്ങി.അപ്പോഴും മേമന്‍ മൗനം പാലിക്കുകയായിരുന്നു. ഇന്നലെയും മേമന്‍ ഭക്ഷണം കഴിച്ചിരുന്നില്ല. മേമനോട് അനുഭാവം പ്രകടിപ്പിച്ച് സഹതടവുകാരും നിരാഹാര സമരത്തിലായിരുന്നു.
മേമന്റെ വധശിക്ഷ ഇന്ന് നടപ്പാക്കുമെന്ന് ഏറെക്കുറെ ഉറപ്പായിരുന്നതിനാല്‍, ജയിലിലെത്തി മേമനെ കാണാന്‍ സഹോദരങ്ങളെ ഇന്നലെ അനുവദിച്ചിരുന്നു. മൂത്ത സഹോദരന്‍ സുലൈമാന്‍ മേമനും അര്‍ധസഹോദരനായ ഉസ്മാനും ബുധനാഴ്ച വൈകിട്ട് ജയിലിലെത്തിയിരുന്നു. യാക്കൂബ് മേമന്റെ ഭാര്യ റാബിനും സുബെയ്ദയും കഴിഞ്ഞയാഴ്ച ജയിലിലെത്തിയിരുന്നു.
തന്റെ വധശിക്ഷ ബുധനാഴ്ച നടക്കുമെന്ന് ഏറെക്കുറെ ഉറപ്പിച്ച മട്ടിലായിരുന്നു യാക്കൂബിന്റെ രീതികള്‍. വളരെ ശാന്തനായി കാണപ്പെട്ട മേമന്‍, ജയിലധികൃതര്‍ നല്‍കിയ ഭക്ഷണം കഴിക്കാന്‍ വിസമ്മതിച്ചു. മറ്റ് തടവുകാരെ ഭാഷ പഠിപ്പിക്കാനും മറ്റും മുന്‍കൈയെടുത്തിരുന്ന മേമനെ ഗുരുതുല്യനായാണ് മറ്റ് തടവുകാര്‍ കണ്ടിരുന്നത്. മേമനെ തൂക്കിലേറ്റുകയാണെന്ന യാഥാര്‍ഥ്യം സഹതടവുകാരില്‍ പലരെയും വല്ലാതെ ഉലച്ചിരുന്നു.
താന്‍ അര്‍ഹിച്ച നീതി ലഭ്യമാക്കുന്നതില്‍ സുപ്രീം കോടതി പരാജയപ്പെട്ടുവെന്ന് യാക്കൂബ് മേമന്‍ സഹതടവുകാരോട് പറഞ്ഞിരുന്നതായി പൊലീസുദ്യോഗസ്ഥര്‍ പറഞ്ഞു. അവസാന നിമിഷം വരെ വധശിക്ഷ ഒഴിവാക്കാനുള്ള സാധ്യതകളെക്കുറിച്ച് മേമന്‍ നിയമവിദഗ്ധരുമായി ആലോചിച്ചിരുന്നതായി അധികൃതര്‍ പറഞ്ഞു.
വധശിക്ഷയ്ക്ക് വിധേയരാകുന്നവരോട് അന്തിമാഭിലാഷം ആരായുന്ന പതിവുണ്ട്. എന്നാല്‍, ബുധനാഴ്ച വൈകിയും അത് വെളിപ്പെടുത്തിയിരുന്നില്ലെന്ന് മേമന്റെ അഭിഭാഷകന്‍ അനില്‍ ഗെദാം പറഞ്ഞു. അവസാന നിമിഷം കോടതി തനിക്ക് തുണയാകുമെന്ന് മേമന്‍ കരുതിയിരുന്നുവെന്നും ഗെദാം പറഞ്ഞു. എന്നാല്‍, പുലര്‍ച്ചെവരെ നീണ്ട വാദപ്രതിവാദങ്ങള്‍ ക്കൊടുവില്‍ വധശിക്ഷ നടപ്പാക്കാന്‍ സുപ്രീം കോടതി ഉത്തരവിടുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha