താലിബാന് മേധാവി മുല്ല ഒമര് മരിച്ചതായി സ്ഥിരീകരണം
താലിബാന് മേധാവി മുല്ല ഒമര് മരിച്ചതായി അഫ്ഗാനിസ്ഥാന് സര്ക്കാര് സ്ഥിരീകരിച്ചു.1996 മുതല് 2001വരെ താലിബാന് തലവനെന്ന നിലയില് അഫ്ഗാന് ഭരിച്ച മുല്ല ഒമര് രണ്ടു വര്ഷം മുന്പ് മരിച്ചതായി രഹസ്യാന്വേഷണ കേന്ദ്രങ്ങളെ ഉദ്ധരിച്ച് പ്രസിഡന്റ് അഷ്റഫ് ഗനിയുടെ ഓഫിസ് അറിയിച്ചു.
മുല്ല ഒമര് മരിച്ചതായി ബിബിസി നേരത്തെ റിപ്പോര്ട്ട് ചെയ്തിരുന്നു. രണ്ടോ മൂന്നോ വര്ഷം മുന്പ് മരിച്ചതായാണ് അഫ്ഗാനിലെ വിശ്വസനീയ സ്രോതസുകളെ ഉദ്ധരിച്ച് അവര് അറിയിച്ചത്.ഇക്കാര്യം അന്വേഷിച്ചു വരികയാണെന്ന് ആദ്യം പ്രതികരിച്ച അഫ്ഗാന് സര്ക്കാര് രാത്രി വൈകി മരണ വാര്ത്ത സ്ഥിരീകരിക്കുകയായിരുന്നു.
55 വയസുള്ള ഒമറിന്റെ മരണം ഗുരുതര രോഗം മൂലമായിരുന്നെന്നും ആക്രമണത്തില് കൊല്ലപ്പെടുകയായിരുന്നില്ല എന്നുമാണ് സൂചന. കാണ്ടഹാര് പ്രവിശ്യയിലെ ഖക്രെസ് ജില്ലയിലുള്ള ചായി ഹിമ്മത് ഗ്രാമത്തില് 1960ല് ഒമര് ജനിച്ചതായാണ് താലിബാന് മുന്പ് അറിയിച്ചിട്ടുള്ളത്.
എന്നാല് മരണം സംബന്ധിച്ചു താലിബാന്റെ പ്രഖ്യാപനം ഇതുവരെ വന്നിട്ടില്ല. പൊതുവേദിയില് വരാത്ത ഒറ്റക്കണ്ണനായ താലിബാന് മേധാവി മരിച്ചതായി മുന്പും പലവട്ടം വാര്ത്തകള് വന്നിരുന്നു. കഴിഞ്ഞ മാസം മുല്ല ഒമറിന്റേതെന്ന പേരില് പെരുന്നാള് ആശംസ താലിബാന് പുറത്തുവിട്ടിരുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
