ലിബിയയിലെ ഐസിസ് ഭീകരര്‍ തട്ടിക്കൊണ്ടുപോയ നാല് ഇന്ത്യന്‍ അദ്ധ്യാപകരില്‍ രണ്ട് പേരെ വിട്ടയച്ചതായി വിദേശകാര്യ മന്ത്രാലയം അറിയിച്ചു. ലക്ഷ്മികാന്ത്, വിജയകുമാര്‍ എന്നിവരെയാണ് വിട്ടയച്ചതെന്നും ഗോപീകൃഷ്ണ, ബല്‍റാം എന്നിവരെ കൂടി തിരിച്ചെത്തിക്കാനുള്ള ശ്രമം നടന്നു വരികയാണെന്നും കേന്ദ്ര വിദേശകാര്യ മന്ത്രി സുഷമാ സ്വരാജ് ട്വീറ്റ് ചെയ്തു.
ഭീകരര്‍ പണമൊന്നും ആവശ്യപ്പെട്ടിരുന്നില്ല.ഐസിസ് ഭീകരരുടെ അധീനതയിലുള്ള സ്ഥലത്ത് നിന്നാണ് ഇവരെ തട്ടിക്കൊണ്ടുപോയിരിക്കുന്നത്. ലിബിയയില്‍ താമസിക്കുന്ന ഇന്ത്യക്കാരോട് അവിടെ നിന്നും മാറണമെന്ന് കഴിഞ്ഞ വര്‍ഷം ഇന്ത്യന്‍ ഗവണ്‍മെന്റ് അറിയിച്ചിരുന്നു. ഇറാഖില്‍ നിന്നും ഇതുവരെ 39 ഇന്ത്യക്കാരെ കാണാതിയിട്ടുണ്ട്. സുന്നി ഭീകരരും ഗവണ്‍മെന്റും തമ്മിലുള്ള ഏറ്റുമുട്ടലിനിടെയാണ് ഇവരെ കഴിഞ്ഞ വര്‍ഷം തട്ടിക്കൊണ്ടു പോയത്.
ഒരു വര്‍ഷത്തിലേറെയായി സിര്‍ത്തി സര്‍വകലാശാലയില്‍ അദ്ധ്യാപകരായി സേവനമനുഷ്ടിച്ചിരുന്ന ഇവരെ ഇന്ത്യയിലേക്ക് യാത്രതിരിക്കുന്നതിനിടെ ബുധനാഴ്ചയാണ് ഭീകരര്‍ തട്ടിക്കൊണ്ടു പോയത്. ഇവരില്‍ രണ്ട് പേര്‍ ഹൈദരാബാദിലെ റായിപൂരില്‍ നിന്നും മറ്റ് രണ്ട് പേര്‍ കര്‍ണാടകയിലെ ബംഗളൂരുവിലും നിന്നുള്ളവരുമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha