തൂങ്ങിമരിക്കാന്‍ അനുവദിക്കണമെന്നു കാട്ടി ഉത്തര്‍പ്രദേശിലെ 25000 കര്‍ഷകര്‍ രാഷ്ട്രപതിക്ക് അപേക്ഷ നല്‍കി. വ്യാപം തട്ടിപ്പിന് ഇരയായി ജയിലില്‍ കഴിയുന്ന എഴുപതു പേര്‍ ആത്മഹത്യ ചെയ്യാന്‍ അനുവദിക്കണമെന്നാവശ്യപ്പെട്ടു രാഷ്ട്രപതിക്കു കത്തു നല്‍കിയതിനു പിന്നാലെയാണ് യുപിയിലെ മഥുരയിലെ കര്‍ഷകരും ഇതേ ആവശ്യവുമായി രംഗത്തെത്തിയത്. നഷ്ടമായ ഭൂമിക്കു പതിനേഴു വര്‍ഷമായിട്ടും നഷ്ടപരിഹാരം കിട്ടാത്ത സാഹചര്യത്തിലാണ് നീതിയിലെ അസമത്വം ചൂണ്ടിക്കാട്ടി ആത്മഹത്യക്കു രാഷ്ട്രപതിയുടെ അനുമതി തേടിയത്.
ഗോകുല്‍ ബാരേജ് നിര്‍മിച്ചപ്പോള്‍ തങ്ങളുടെ 700 ഏക്കര്‍ ഭൂമി വെള്ളത്തിനിടയിലായെന്നും തങ്ങളുടെ അനുമതി കൂടാതെ നടത്തിയ നിര്‍മാണത്തിന് നഷ്ടപരിഹാരം നല്‍കിയിട്ടില്ലെന്നുമാണ് കര്‍ഷകരുടെ കുറ്റപ്പെടുത്തല്‍. പതിനേഴു വര്‍ഷം മുമ്പാണ് ഗോകുല്‍ ബാരേജ് നിര്‍മിച്ചത്. 1998 മുതല്‍ പതിനേഴു ഗ്രാമങ്ങളിലെ കര്‍ഷകര്‍ നഷ്ടപരിഹാരത്തിനായി സമരം നടത്തുകയാണ്. ഇതുവരെ സര്‍ക്കാരിന്റെ കണ്ണുതുറന്നിട്ടില്ലെന്നു മാത്രം.
2014 നവംബറില്‍ പ്രതിഷേധിച്ച കര്‍ഷകര്‍ക്കു നേരെ പൊലിസ് വെടിവയ്പു നടത്തിയിരുന്നു. കഴിഞ്ഞ ഫെബ്രുവരിയില്‍ കര്‍ഷകര്‍ വീണ്ടും സമരരംഗത്തിറങ്ങിയിരുന്നു. ഒരു മാസത്തിനുള്ളില്‍ പ്രശ്‌നത്തിനു പരിഹാരം കാണുമെന്നായിരുന്നു അധികാരികളുടെ ഉറപ്പ്. പക്ഷേ, മാസങ്ങല്‍ കഴിഞ്ഞിട്ടും നടപടിയുണ്ടായില്ല. സ്വാതന്ത്ര്യ ദിനത്തില്‍ ആത്മഹത്യ ചെയ്യാന്‍ അനുവദിക്കണമെന്നാണ് കര്‍ഷകരുടെ ആവശ്യം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha