കേസ് അന്വേഷണത്തിന് കൈക്കൂലി വാങ്ങിയ എഎസ്ഐയ്ക്ക് സസ്പെന്ഷന്; പ്രായപൂര്ത്തിയാകാത്ത പെണ്കുട്ടി പീഡനത്തിരയായ കേസില് പെണ്കുട്ടിയുടെ മാതാപിതാക്കളില് നിന്ന് അഞ്ച് ലക്ഷം രൂപ കൈക്കൂലി വാങ്ങി
പ്രായപൂര്ത്തിയാകാത്ത പെണ്കുട്ടി പീഡനത്തിരയായ കേസില് പെണ്കുട്ടിയുടെ മാതാപിതാക്കളില് നിന്ന് അഞ്ച് ലക്ഷം രൂപ കൈക്കൂലി ചോദിച്ച എറണാകുളം നോര്ത്ത് സ്റ്റേഷനിലെ എഎസ്ഐ വിനോദ് കൃഷ്ണയെ സസ്പെന്റ് ചെയ്തു. കേസന്വേഷണത്തിന് ദില്ലിയില് പോകാന് മാതാപിതാക്കളില് നിന്ന് വിമാന ടിക്കറ്റ് ചോദിച്ച് വാങ്ങിയെന്ന് തെളിഞ്ഞതിനെ തുടര്ന്നാണ് നടപടി. കൈക്കൂലി ആരോപണത്തെ കുറിച്ച് വകുപ്പ് തല അന്വേഷണവും പ്രഖ്യാപിച്ചു. മകള് പീഡനത്തിരയായ കേസില് ആണ് മക്കളെ പ്രതി ചേര്ക്കാതിരിക്കാന് എറണാകുളം നോര്ത്ത് പൊലീസ് 5 ലക്ഷം രൂപ കൈക്കൂലി ചോദിച്ചെന്നാണ് മാതാപിതാക്കളുടെ ആരോപണം. യഥാര്ത്ഥ പ്രതികളെ രക്ഷപ്പെടുത്തി മക്കളെ അന്യായമായി പൊലീസ് ജയിലിലാക്കിയെന്നും യുപി സ്വദേശികളായ മാതാപിതാക്കള് പറഞ്ഞു.എന്നാല് തെളിവുകളുടെ അടിസ്ഥാനത്തിലാണ് സഹോദരങ്ങളെ അറസ്റ്റ് ചെയ്തതെന്നും മാതാപിതാക്കളുടെ ആരോപണങ്ങള് കള്ളമാണെന്നും സിറ്റി പൊലീസ് കമീഷണര് എച്ച് നാഗരാജു പ്രതികരിച്ചു.
https://www.facebook.com/Malayalivartha