ഗ്രീന്‍പീസ് ഇന്ത്യയുടെ രജിസ്‌ട്രേഷന്‍ റദ്ദാക്കിയ സര്‍ക്കാര്‍ ഉത്തരവ് സ്‌റ്റേ ചെയ്ത് മദ്രാസ് ഹൈക്കോടതി വിധി. തമിഴ്‌നാട് രജിസ്ട്രാര്‍ ഓഫ് സൊസൈറ്റീസ് സാമാന്യനീതി പുലര്‍ത്തിയില്ലെന്ന് കോടതി നിരീക്ഷിച്ചു.

ഒന്നരക്കൊല്ലമായി ഗ്രീന്‍പീസിന്റെ ഫണ്ടുവരവു നിയന്ത്രിക്കാന്‍ ആറുതവണയും പ്രവര്‍ത്തനം പൂട്ടാന്‍ ഒരുതവണയും സര്‍ക്കാര്‍ ശ്രമിച്ചിരുന്നു. എന്നാല്‍ എല്ലാ പ്രാവശ്യവും കോടതി സംഘടനയ്ക്ക് അനുകൂലമായ നിലപാടാണ് സ്വീകരിച്ചത്.

കൃത്യമായ നിയമസംവിധാനത്തോടെയാണ് സംഘടന പ്രവര്‍ത്തിക്കുന്നതെന്ന കാര്യത്തില്‍ കോടതിയുടെ അംഗീകാരമുണ്ടാകുമെന്ന് അറിയാമായിരുന്നെന്ന് സംഘടനയുടെ പ്രവര്‍ത്തക പ്രിയാ പിള്ള പ്രതികരിച്ചു.

സംഘടനയ്‌ക്കെതിരായ സര്‍ക്കാറിന്റെ ഫണ്ട് തട്ടിപ്പ് വാദം നിലനില്‍ക്കില്ല. തങ്ങളുടെ അക്കൗണ്ടുകളെല്ലാം ആര്‍ക്കും പരിശോധിയ്ക്കാവുന്ന തരത്തില്‍ വെബ്‌സൈറ്റില്‍ ലഭ്യമാണെന്നും അവര്‍ പറഞ്ഞു.

സ്‌റ്റേയില്‍ സന്തോഷമുണ്ടെന്ന് ഗ്രീന്‍പീസിന്റെ അഭിഭാഷകന്‍ വിനീത് സുബ്രഹ്മണി പ്രതികരിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha