തമിഴ്‌നാടിന് കേന്ദ്ര സര്‍ക്കാരിന്റെ 1000 കോടി രൂപയുടെ സഹായം പ്രഖ്യാപിച്ചു. പ്രധാനമന്ത്രി നരേന്ദ്ര മോഡി ചെന്നൈയിലെത്തിയാണ് പ്രഖ്യാപനം നടത്തിയത്. 940 കോടി രൂപയ്ക്ക് പുറമെയാണ് സഹായം. ചെന്നൈയിലെ പ്രളയബാധിത പ്രദേശങ്ങളില്‍ മോഡി നിരീക്ഷണം നടത്തി. മോഡിയ്‌ക്കൊപ്പം തമിഴ്‌നാട് മുഖ്യമന്ത്രി ജലളിതയും ഉണ്ടായിരുന്നു. വെള്ളപ്പൊക്കത്തെ തുടര്‍ന്ന് 296 പേരാണ് മരിച്ചതെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിങ് പറഞ്ഞു.
വെള്ളപ്പൊക്ക-ദുരിതാശ്വാസ പ്രവര്‍ത്തനങ്ങള്‍ വിലയിരുത്തുകയാണെന്നു പ്രധാനമന്ത്രിയുടെ ഓഫീസ് ട്വിറ്ററിലൂടെ അറിയിച്ചു. രക്ഷാപ്രവര്‍ത്തനത്തിന് എല്ലാ സഹായവും കേന്ദ്രം നല്‍കിയിട്ടുണ്ട്. എന്നാല്‍, ഭക്ഷ്യവിതരണത്തിനു മഴ പ്രതികൂലമാകുകയാണ്. നൂറ്റാണ്ടിലെ ഏറ്റവും ശക്തമായ മഴയ്ക്കാണു തമിഴ്‌നാട് സാക്ഷ്യംവഹിക്കുന്നതെന്നും വെള്ളപ്പൊക്കത്തെക്കുറിച്ച് പാര്‍ലമെന്റില്‍ നടന്ന ചര്‍ച്ചയ്ക്കു മറുപടിയായി പറഞ്ഞിരുന്നു.
തമിഴ്‌നാട്ടില്‍ ഇതിനകം ഇരുന്നൂറ്റിയറുപതോളം പേര്‍ മഴക്കെടുതിയില്‍ മരിച്ചതായാണു കണക്ക്. വെള്ളപ്പൊക്കത്തെത്തുടര്‍ന്നു റെയില്‍-റോഡ്-വ്യോമ ഗതാഗതങ്ങള്‍ മുടങ്ങി. തീരദേശസേന, ദേശീയ ദുരന്തനിവാരണസേന, കരസേന, വ്യോമസേന, നാവികസേന എന്നിവ സംയുക്തമായി രക്ഷാപ്രവര്‍ത്തനങ്ങള്‍ നടത്തുകയാണ്.
കനത്തമഴയും വെള്ളപ്പൊക്കവും ചെന്നൈ നഗരങ്ങളെ ദുരിതക്കയത്തിലാക്കിയതോടെ കേരളത്തിലേക്കുള്ള മൂന്നു ട്രെയിന്‍ സര്‍വീസുകളും റദ്ദാക്കി. തിരുവനന്തപുരം മെയില്‍, ആലപ്പുഴ എക്‌സ്പ്രസ്, മംഗലാപുരം വെസ്റ്റ് കോസ്റ്റ് എക്‌സ്പ്രസ് ട്രെയിനുകളാണു റദ്ദാക്കിയത്. ചെന്നൈ ബീച്ച്-താംബരം-ചെങ്കല്‍പ്പേട്ട് റൂട്ടുകളിലെ സബര്‍ബന്‍ സര്‍വീസുകളും നിര്‍ത്തിവച്ചിരിക്കുകയാണ്.

തീരസേന രക്ഷാപ്രവര്‍ത്തനത്തിനായി ചില പ്രദേശങ്ങളില്‍ ബോട്ട് ഇറക്കി. തീരദേശസേന, ദേശീയ ദുരന്തനിവാരണസേന, കരസേന, വ്യോമസേന, നാവികസേന എന്നിവ സംയുക്തമായാണു രക്ഷാപ്രവര്‍ത്തനങ്ങള്‍ നടത്തുന്നത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha