അതിശക്തമായ മഴയില്‍ മുങ്ങിയ തമിഴ്‌നാട്ടില്‍ ജനജീവിതം ആകെ താറുമാറായിരിക്കുകയാണ്. ഇതിന് വലിയ ഉദാഹരണമാണ് വീട്ടില്‍ വെള്ളം കയറിയതോടെ മറവ് ചെയ്യാനാവാതെ അമ്മയുടെ മൃതദേഹത്തിനൊപ്പം 20 മണിക്കൂറോളം ഇരിക്കേണ്ടി വന്ന മകളുടെ അവസ്ഥ. മകളുടെ സുഹൃത്തിന്റെ സഹായത്തോടെ ആംബുലന്‍സ് എത്തി മൃതദേഹം ശ്മശാനത്തിലെത്തിച്ച് മറവു ചെയ്യുകയായിരുന്നു.

അശോക് നഗര്‍ പ്രദേശത്താണ് സംഭവം. വൃക്കരോഗിയായിരുന്ന സ്ത്രീ ഇന്നലെയാണ് മരിച്ചത്. വൈദ്യുതി കൂടി ഇല്ലാതായതോടെ മൃതദേഹത്തിനൊപ്പം രാത്രിയുടെ ഇരുട്ടില്‍ ഒരു രാത്രി മുഴുവന്‍ മകള്‍ കഴിഞ്ഞു. തുടര്‍ന്ന് സുഹൃത്തിനെ വിവരം അറിയിക്കുകയും സുഹൃത്ത് അധികാരികളുമായി ബന്ധപ്പെട്ട് ആംബുലന്‍സ് ഏര്‍പ്പാടാക്കുകയായിരുന്നു. പിന്നീട് മൃതദേഹം ശ്മശാനത്തില്‍ എത്തിച്ച് മറവ് ചെയ്തു.
ആ സമയത്തെങ്കിലും ആംബുലന്‍സ് എത്തിയത് കൊണ്ട് മൃതദേഹം എല്ലാ ബഹുമതികളോടെയും മറവ് ചെയ്യാന്‍ മകള്‍ക്ക് സാധിച്ചു. മൃതദേഹം വളരെ ശോചനീയ അവസ്ഥയിലായിരുന്നു. അതിനാല്‍ തന്നെ ഇനിയും വൈകിയിരുന്നെങ്കില്‍ ചിലപ്പോള്‍ അഴുകി വീഴുമായിരുന്നെന്നും പെണ്‍കുട്ടിയുടെ സുഹൃത്ത് പറഞ്ഞു. പ്രദേശത്തെ ഒരു ഹൈസ്‌കൂളിന് എതിര്‍ വശത്തുള്ള വീട്ടിലാണ് അമ്മയും മകളും താമസിച്ചിരുന്നത്. മൃതശരീരം സമീപമുള്ള ആശുപത്രിയുടെ മോര്‍ച്ചറിയില്‍ എത്തിക്കാന്‍ മകള്‍ ശ്രമിച്ചെങ്കിലും കഴിഞ്ഞില്ല. തുടര്‍ന്നാണ് സുഹൃത്തിനെ വിവരമറിയിച്ചത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha