തമിഴ്‌നാട് പ്രളയക്കെടുതിയില്‍ നട്ടംതിരിയുമ്പോള്‍ ദുരിതാശ്വാസത്തിനായി വിവിധ സ്ഥലങ്ങളില്‍നിന്ന് എത്തിച്ചുനല്‍കുന്ന വസ്തുക്കളില്‍ മുഖ്യമന്ത്രി ജയലളിതയുടെ ചിത്രമടങ്ങിയ സ്റ്റിക്കറുകള്‍ പതിക്കുന്നതായി റിപ്പോര്‍ട്ട്. വിവിധ സ്ഥലങ്ങളില്‍നിന്ന് എത്തിക്കുന്ന സാധന സാമഗ്രികള്‍ എഐഎഡിഎംകെ പ്രവര്‍ത്തകരുടെ കൈവശം എത്തിച്ചശേഷം സ്റ്റിക്കറുകള്‍ പതിക്കുന്നതായും ഇതിനുശേഷം മാത്രമേ സാധനങ്ങള്‍ വിവതരണത്തിനായി നല്‍കുന്നുള്ളു എന്നാണ് റിപ്പോര്‍ട്ടുകള്‍. ഇതിനെ സാധൂകരിക്കുന്ന നിരവധി ചിത്രങ്ങളും ട്വിറ്ററില്‍ പ്രചരിക്കുന്നുണ്ട്.
ചെന്നൈ, കൂഡല്ലൂര്‍ എന്നിവിടങ്ങളിലാണ് ഇത്തരം സംഭവങ്ങള്‍ കൂടുതലായി റിപ്പോര്‍ട്ട് ചെയ്യപ്പെടുന്നത്. ചെന്നൈ പ്രളയക്കെടുതിയില്‍ കൊടുമ്പിരിക്കൊണ്ടിരിക്കുമ്പോള്‍ രാഷ്ട്രീയം കളിക്കുന്ന മുഖ്യമന്ത്രിയുടെയും എഐഎഡിഎംകെയുടെയും നിലപാടിനെതിരേ നാനാഭാഗത്തുനിന്നും വിമര്‍ശനങ്ങള്‍ ഉയര്‍രുന്നുണ്ട്. സ്റ്റിക്കറുകള്‍ പതിക്കുന്നതായ റിപ്പോര്‍ട്ടുകള്‍ പുറത്തുവന്നതിനു പിന്നാലെ ജയലളിതയുടെ മണ്ഡലമായ ആര്‍കെ നഗറില്‍ സന്ദര്‍ശനത്തിനെത്തിയ മന്ത്രിയടക്കമുള്ള സംഘത്തെ ജനങ്ങള്‍ തടഞ്ഞു.
വെള്ളപ്പൊക്കത്തിന്റെ തുടക്കത്തില്‍ ഐഡിഎംകെ പ്രവര്‍ത്തകര്‍ കെട്ടിപ്പൊക്കിയ ജയലളിതയുടെ ഒരു ഫളക്‌സ് അക്ഷരാര്‍ത്ഥത്തില്‍ ജനങ്ങളുടെ ക്ഷമയെ പരീക്ഷിക്കുന്നതായിരുന്നു. സൂപ്പര്‍ഹിറ്റ് ചിത്രം ബാഹുബലിയുടെ പോസ്റ്റര്‍ മോര്‍ഫ് ചെയ്ത് ജയലളിത ഒരു കൈ കൊണ്ട് തമിഴ്‌നാടിനെ രക്ഷിച്ചു കൊണ്ടു പോകുന്നതായിരുന്നതായിരുന്നു ഫഌ്‌സിലെ ചിത്രം. സോഷ്യല്‍മീഡിയയില്‍ പരിഹാസമേറ്റു വാങ്ങിയ ഈ ഫഌ്‌സ് എ.ഐ.ഡി.എം.കെ എം.എല്‍.എയായ എസ്.മുത്തുകറുപ്പന്റെ പേരിലുള്ളതാണെന്ന് മാധ്യമങ്ങള്‍ പിന്നീട് റിപ്പോര്‍ട്ട് ചെയ്തു.
ഒരു കൈ കൊണ്ട് അമ്മ (ജയലളിതയെ പുരട്ച്ചിതലൈവി, അമ്മാ എന്നൊക്കെയാണ് അണികള്‍ വിശേഷിപ്പിക്കുന്നത്) വെള്ളപ്പൊക്കത്തില്‍പ്പെട്ടവരെ രക്ഷിച്ചു എന്ന തരത്തിലായിരുന്നു ഫഌ്‌സിലെ വാചകങ്ങള്‍.
ഈ രീതിയില്‍ സര്‍ക്കാരിനെതിരെ വിമര്‍ശനം രൂക്ഷമായ ഘട്ടത്തിലാണ് തമിഴ്‌നാടിന്റെ പലഭാഗങ്ങളിലും സന്നദ്ധപ്രവര്‍ത്തകരെ തടയുന്ന എ.ഐ.ഡി.എം.കെ പ്രവര്‍ത്തകര്‍ ഭക്ഷണകിറ്റുകളിലും കുടിവെള്ളബോട്ടിലുകളിലും അമ്മയുടെ സ്റ്റിക്കര്‍ പതിച്ച ശേഷം മാത്രമേ അവരെ ദുരിതബാധിതപ്രദേശങ്ങളിലേക്ക് പോകാന്‍ അനുവദിക്കുന്നുള്ളൂ എന്ന ആരോപണം ഉയര്‍ന്നത്. ആരോപണത്തിന് തെളിവായി നിരവധി ചിത്രങ്ങളാണ് ട്വിറ്ററിലും ഫേസ്ബുക്കിലും ഷെയര്‍ചെയ്യപ്പെട്ടത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha