അറിവില്ലാത്ത ലോകരാജ്യങ്ങളുടെ പട്ടികയില്‍ ഇന്ത്യയ്ക്ക് രണ്ടാം സ്ഥാനമെന്ന് സര്‍വേ. മെക്‌സിക്കോയാണ് പട്ടികയിലെ മുമ്പന്‍. ലണ്ടനിലെ മാര്‍ക്കറ്റ് ഗവേഷണ സ്ഥാപനമായ ഇപ്‌സോസ് മോറി നടത്തിയ സര്‍വേയിലാണ് ഈ കണ്ടെത്തല്‍. അസമത്വം, മതമില്ലാത്തവര്‍, വനിതകളുടെ തൊഴില്‍, ഇന്റര്‍നെറ്റ് ലഭ്യത എന്നീ ഘടകങ്ങളെ കുറിച്ചുള്ള ചോദ്യങ്ങളാണ് സര്‍വേയില്‍ ഉള്‍ക്കൊള്ളിച്ചിരുന്നത്. 33 രാജ്യങ്ങളില്‍ നിന്നായി 25,000 പേരാണ് സര്‍വേയില്‍ പങ്കെടുത്തത്.

ഈ വിഷയങ്ങളിലെ ഉത്തരങ്ങളില്‍ ഇന്ത്യാക്കാരും മെക്‌സിക്കോക്കാരും ഒട്ടും കൃത്യതയില്ലാത്തവരായിരുന്നു. ദക്ഷിണ കൊറിയയിലെ ജനങ്ങളാണ് ഏറ്റവും കൃത്യതയുള്ളവര്‍. അയര്‍ലണ്ടാണ് കൊറിയയ്ക്ക് പിന്നില്‍. പൊണ്ണത്തടി, കുടിയേറ്റം, മാതാപിതാക്കളുമൊത്തുള്ള ജീവിതം, ഗ്രാമീണ ജീവിതം തുടങ്ങിയവ സംബന്ധിച്ചും സര്‍വേയില്‍ ചോദ്യങ്ങള്‍ ജനങ്ങളോട് ചോദിച്ചു. ഇന്ത്യയുടെ ആകെ സ്വത്തിന്റെ 70 ശതമാനവും കൈയാളുന്നത് രാജ്യത്തെ ഒരു ശതമാനമാണെന്നതിനെ കുറിച്ച് മിക്കവര്‍ക്കും അറിയില്ലായിരുന്നു എന്നതിനാല്‍ സാമ്പത്തിക അസമത്വത്തെക്കുറിച്ചുള്ള ആദ്യചോദ്യത്തിന്റെ ഉത്തരം തന്നെ ഇന്ത്യാക്കാരില്‍ ഭൂരിപക്ഷവും തെറ്റിച്ചു. ഇന്ത്യയില്‍ മതമില്ലാത്തവര്‍ ഒരു ശതമാനത്തിനും താഴെയാണെന്ന വസ്തുത നിലനില്‍ക്കെ അത് 33 ശതമാനം ആണ് എന്ന വിവരമാണ് സര്‍വേയില്‍ പങ്കെടുത്തവര്‍ പങ്കുവച്ചത്.

തൊഴില്‍ ചെയ്യുന്ന സ്ത്രീകളുടെ എണ്ണം 29 ശതമാനമാണെന്ന് ഇസ്രായേല്‍ പറയുമ്പോള്‍, ഇന്ത്യ, മെക്‌സിക്കോ, ദക്ഷിണാഫ്രിക്ക, ചിലി എന്നീ രാജ്യങ്ങളില്‍ ഉള്ളവര്‍ തൊഴില്‍ ചെയ്യുന്ന സ്ത്രീകളുടെ എണ്ണം കൂടുതല്‍ ആണെന്നു വിശ്വസിക്കുന്നു. രാഷ്ട്രീയക്കാരായ വനിതകളുടെ കാര്യത്തിലും ഇന്ത്യ അജ്ഞരാണ്. ഇന്ത്യയെ കൂടാതെ, കൊളംബിയ, റഷ്യ, ബ്രസീല്‍ എന്നീ രാജ്യങ്ങള്‍ സ്ത്രീകള്‍ക്ക് രാഷ്ട്രീയത്തില്‍ കൂടുതല്‍ പരിഗണന ലഭിക്കുന്നു എന്ന് ചിന്തിക്കുന്നവരാണെന്നും സര്‍വേ പറയുന്നു.

ഗ്രാമീണ മേഖലയില്‍ ഭൂരിഭാഗം പേര്‍ക്കും ഇന്റര്‍നെറ്റ് ലഭ്യമാണെന്നും ഇന്ത്യയിലെ ജനങ്ങള്‍ വിശ്വസിക്കുന്നു. 60 ശതമാനം പേര്‍ക്ക് ഇന്റര്‍നെറ്റ് പ്രാപ്യമാണെന്നാണ് അവര്‍ കരുതുന്നത്. എന്നാല്‍, യഥാര്‍ത്ഥത്തില്‍ 41 ശതമാനം പേര്‍ക്ക് മാത്രമെ ഇന്റര്‍നെറ്റ് പ്രാപ്തമാവുന്നുള്ളൂ എന്നതാണ് വസ്തുത.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha