സ്വകാര്യ സ്ഥാപനങ്ങളില്‍ തൊഴിലെടുക്കുന്ന വനിതാ ജീവനക്കാരുടെ പ്രസവാവധി 12 ആഴ്ചയില്‍ നിന്ന് 26 ആഴ്ചയായി ഉയര്‍ത്താന്‍ തീരുമാനിച്ചതായി കേന്ദ്ര വനിതാ ശിശു ക്ഷേമമന്ത്രി മേനക ഗാന്ധി. ഇതുസംബന്ധിച്ച് തൊഴില്‍ മന്ത്രാലയം അനുകൂല നിലപാട് സ്വീകരിച്ചതായി അവര്‍ അറിയിച്ചു. നവജാത ശിശുക്കള്‍ക്ക് ആറുമാസം മുലയൂട്ടേണ്ട സാഹചര്യം ചൂണ്ടിക്കാട്ടി സ്വാകാര്യ സ്ഥാപനത്തിലെ ജീവനക്കാരികളുടെ പ്രസവാവധി ആറു മാസമായി ഉയര്‍ത്തണമെന്ന് ആവശ്യപ്പെട്ടിരുന്നു. ഇത് ആറര മാസമായി ഉയര്‍ത്താനാണ് തൊഴില്‍ മന്ത്രാലയം തയ്യാറായിരിക്കുന്നതെന്നും അവര്‍ പറഞ്ഞു.
ഈ ശിപാര്‍ശ നടപ്പിലാക്കണമെങ്കില്‍ 1961ലെ മറ്റേര്‍നിറ്റി ബെനഫിറ്റ് ആക്ട് ഭേദഗതി ചെയ്യണം. ഇതുപ്രകാരം 12 ആഴ്ചയാണ് പ്രസവാവധി. ഇക്കാലയളവില്‍ തൊഴിലുടമ മുഴുവന്‍ ശമ്പളവും നല്‍കാന്‍ ബാധ്യസ്ഥരാണ്. അതേസമയം, പ്രസവാവധി എട്ടു മാസമായി ഉയര്‍ത്താന്‍ സമ്മര്‍ദ്ധം ചെലുത്തുമെന്നും മനേക ഗാന്ധി അറിയിച്ചു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha