മുന്‍ രാഷ്ട്രപതി ഡോ. എ.പി.ജെ. അബ്ദുള്‍ കലാമിന്റെ സ്മാരക നിര്‍മ്മാണത്തിന് ഇന്ന് തുടക്കമാകും. അബ്ദുള്‍ കലാമിനായി സ്മാരകം പണിയുന്നത് ജന്മനാടായ രാമേശ്വരത്താണ്. കേന്ദ്രസര്‍ക്കാരിന്റെ നിര്‍ദ്ദേശത്തെ തുടര്‍ന്ന് തമിഴ് നാട് സര്‍ക്കാര്‍ 1.36 ഏക്കര്‍ സ്ഥലം നല്‍കാന്‍ തീരുമാനിച്ചതോടെയാണ് സ്മാരകനിര്‍മ്മാണം സാധ്യമായത്.

മുന്‍ രാഷ്ട്രപതി ഡോ.എപിജെ അബ്ദുള്‍ കലാമിന് അര്‍ഹമായ പ്രാധാന്യത്തോടെ ജന്മനാട്ടില്‍ സ്മാരകം നിര്‍മ്മിക്കുമെന്ന് പ്രധാനമന്ത്രി നരേന്ദ്രമോദി പ്രഖ്യാപിച്ചത് അദ്ദേഹത്തിന്റെ ജന്മദിനമായ ഒക്ടോബര്‍ 15-നാണ്. തുടര്‍ന്ന് സ്മാരക നിര്‍മ്മാണത്തിനായി മേല്‍നോട്ട സമിതിയ്ക്ക് രൂപം നല്‍കി. കേന്ദ്ര പൊതുമരാമത്ത് വകുപ്പാണ് സ്മാരക നിര്‍മ്മാണത്തിന് നേതൃത്വം നല്‍കുന്നത്. സ്മാരക നിര്‍മ്മാണത്തിനായി സ്ഥലമൊരുക്കുന്നതിലുണ്ടായ വിവാദങ്ങള്‍ക്ക് വിരാമമിട്ടാണ് നിര്‍മ്മാണ പ്രവര്‍ത്തനങ്ങള്‍ക്ക് തുടക്കമാകുന്നത്.

കലാമിനെ അടക്കം ചെയ്തിടത്ത് സ്മാരകം നിര്‍മ്മിക്കുന്നതിനെതിരേ ഒരു വിഭാഗം രംഗത്തെത്തിയിരുന്നു. എന്നാല്‍ എത്രയും വേഗം ജന്മനാട്ടില്‍ തന്നെ സ്മാരകം നിര്‍മ്മിക്കാന്‍ സ്ഥലം വിട്ട്‌നല്‍കണമെന്ന് അദ്ദേഹത്തിന്റെ കുടുംബം തമിഴ്‌നാട് സര്‍ക്കാരിനോട് ആവശ്യപ്പെടുകയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha