കേരളത്തിലും ബംഗാളിലും തെരഞ്ഞെടുപ്പിനു മുമ്പു മുഖ്യമന്ത്രി സ്ഥാനാര്‍ഥിയെ പ്രഖ്യാപിക്കില്ലെന്ന് സി.പി.എം. ജനറല്‍ സെക്രട്ടറി സീതാറാം യെച്ചൂരി. സംസ്ഥാന നിയമസഭാ തെരഞ്ഞെടുപ്പില്‍ സി.പി.എമ്മിനെ ആരു നയിക്കുമെന്ന അനിശ്ചിതത്വം നിലനില്‍ക്കെയാണ് യെച്ചൂരിയുടെ പ്രതികരണം. തെരഞ്ഞെടുപ്പിനു മുമ്പു തന്നെ മുഖ്യമന്ത്രിമാരെ നിശ്ചയിക്കുന്നതു ബൂര്‍ഷാ പാര്‍ട്ടികളുടെ നയമാണ്. ഇത്തരം രീതി സി.പി.എം. പിന്തുടരാറില്ല. ഇതിനാല്‍തന്നെ ബംഗാളിലും കേരളത്തിലും തെരഞ്ഞെടുപ്പിനു മുമ്പ് മുഖ്യമന്ത്രി സ്ഥാനാര്‍ഥിമാരെ നിശ്ചയിക്കില്ലെന്നും യെച്ചൂരി വ്യക്തമാക്കി. കേരളത്തില്‍ വിഭാഗീയത ഇല്ലാതാക്കാന്‍ നേതൃത്വത്തിനു സാധിച്ചിട്ടുണ്ടെന്നും ഇപ്പോള്‍ നിലനില്‍ക്കുന്നതു വിഭാഗീയതയുടെ അവശിഷ്ടങ്ങള്‍ മാത്രമാണെന്നും യെച്ചൂരി പറഞ്ഞു. പാര്‍ട്ടി സ്വതന്ത്ര നിലയില്‍ ശക്തമാക്കണമെന്നും പ്രമേയത്തില്‍ ആഹ്വാനം ചെയ്യുന്നു.
കാര്‍ഷിക വിപ്ലവത്തിലൂടെ ഹിന്ദി മേഖലയില്‍ ശ്രദ്ധേയ സാന്നിധ്യമാകാന്‍ സി.പി.എമ്മിനു സാധിക്കണമെന്നു യെച്ചൂരി, പ്ലീനത്തിലെ ചര്‍ച്ചകള്‍ക്കു തുടക്കം കുറിച്ച് അവതരിപ്പിച്ച പ്രമേയത്തിലൂടെ ആഹ്വാനം ചെയ്തു. ഉത്തരേന്ത്യന്‍ സംസ്ഥാനങ്ങളില്‍ ഇതുമൂലം ജനങ്ങള്‍ കടുത്ത ദുരിതമാണ് അനുഭവിക്കുന്നത്. ഈ സാഹചര്യത്തില്‍ അവര്‍ക്കൊപ്പം നിന്ന് പ്രവര്‍ത്തിച്ച് സ്വാധീനം വര്‍ധിപ്പിക്കാനുള്ള പദ്ധതികള്‍ ആവിഷ്‌കരിക്കണം. ഇതേപോലെ കേരളത്തിലെ റബര്‍ കര്‍ഷകര്‍ക്കിടയിലും സ്വാധീനം വര്‍ധിപ്പിക്കാനുള്ള പദ്ധതികള്‍ ഉണ്ടാവേണ്ടതുണ്ട്. ഒന്നോ രണ്ടോ ഏക്കര്‍ ഭൂമിയില്‍ റബര്‍ കൃഷിയുള്ളവരെ ഭൂ ഉടമകളായി കാണാതെ തൊഴിലാളികളായി പരിഗണിച്ച് ഒപ്പം ചേര്‍ക്കണമെന്നും പ്രയേത്തില്‍ വ്യക്തമാക്കുന്നു.
രാജ്യത്തെ നിലവിലുള്ള സാഹചര്യങ്ങള്‍ മറികടക്കാന്‍ പ്രവര്‍ത്തകര്‍ സജ്ജരാകണമെന്ന് ആവശ്യപ്പെടുന്ന പ്രമേയത്തില്‍ ജനകീയ പ്രതിരോധങ്ങള്‍ ശക്തമാക്കേണ്ടതിന്റെ ആവശ്യകതയും ഊന്നിപ്പറയുന്നു. ഇടതു പക്ഷ പ്രസഥാനങ്ങള്‍ക്ക് കരുത്തേകുന്ന പ്രവര്‍ത്തനങ്ങള്‍ക്ക് നേതൃത്വം നല്‍കണം. ഇതിന്റെ അടിസ്ഥാനത്തില്‍ ശക്തമായ ബദല്‍ കെട്ടിപ്പടുക്കണം.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha