ഇന്ത്യയില് അക്രമത്തിനു പദ്ധതിയിട്ട ഐ.എസ് സംഘത്തെ തകര്ത്തു
രാജ്യത്തിന്റെ വിവിധ ഭാഗങ്ങളില്നിന്നായി സ്ഫോടനങ്ങളും അക്രമവും നടത്താനായി രൂപീകരിച്ചുവന്ന ഇസ്ലാമിക് സ്റ്റേറ്റ് സംഘത്തെ തകര്ത്തു. ഈ സംഘത്തില് ചേരുകയോ ചേരാന് ഒരുങ്ങുകയോ ചെയ്ത 14 പേരെയും കുറെ അനുയായികളെയും ഇന്നലെ പുലര്ച്ചെ പിടികൂടി. ഇവരില് അഞ്ചുപേരെ അറസ്റ്റ് ചെയ്തു. പല സംസ്ഥാനങ്ങളില് ഒരേസമയം തെരച്ചില് നടത്തിയാണു ഭീകരസംഘത്തെ തകര്ത്തതെന്ന് ആഭ്യന്തര സഹമന്ത്രി കിരണ് റിജിജു അറിയിച്ചു. ഐഎസുമായി ബന്ധം പുലര്ത്തുന്ന ഭീകരസംഘം ജനൂദ് ഉല് ഖലീഫ ഇ ഹിന്ദ് എന്ന പേരിലാണു രൂപംകൊണ്ടത്. ഉത്തരാഖണ്ഡിലെ റൂര്ക്കിയില്നിന്നു മൂന്നു ദിവസം മുമ്പു പിടിച്ച നാലുപേര് നല്കിയ വിവരങ്ങള് ഈ സംഘത്തെ തകര്ക്കുന്നതില് നിര്ണായകമായി. മുംബൈ സ്വദേശിയും ഈ സംഘത്തിന്റെ അമീര് എന്നു സ്വയം വിശേഷിപ്പിക്കുന്നയാളുമായ മുനാബീര് മുഷ്താഖും പിടിയിലായവരില്പ്പെടുന്നു. രാജ്യത്തു പല സ്ഥലങ്ങളില് ഒരേസമയം സ്ഫോടനങ്ങളും വിദേശസന്ദര്ശകര്ക്കു നേരേ ആക്രമണവും ആസൂത്രണം ചെയ്തിരുന്നു ഈ സംഘം. അടുത്ത യാഴ്ച ഇന്ത്യയിലെത്തുന്ന ഫ്രഞ്ച് പ്രസിഡന്റ് ഫ്രാന്സ്വാ ഒളാന്ദും ഇവരുടെ ലക്ഷ്യമായിരുന്നെന്നു സംശയിക്കുന്നു.
കര്ണാടക, മഹാരാഷ്ട്ര, തെലുങ്കാന, ആന്ധ്രപ്രദേശ്, ഉത്തര്പ്രദേശ്, രാജസ്ഥാന് എന്നിവിടങ്ങളില് പുലര്ച്ചെ തെരച്ചില് നടത്തിയാണ് ഇവരെ പിടികൂടിയത്. കേസന്വേഷണം എന്ഐഎ ക്കു കൈമാറി. പിടിയിലായവരെ ഡല്ഹിയില് എത്തിച്ചു. അഞ്ചു പേരെയാണ് അറസ്റ്റ് ചെയ്തത്. മറ്റുള്ളവരെ കസ്റ്റഡിയിലെടുത്തിട്ടേയുള്ളൂ. കര്ണാടകത്തിലെ തുമകുരുവില്നിന്നു പിടിയിലായ സയ്ദ് മുജാഹിദ് ഹുസൈന്(33),
മംഗളൂരുവില്നിന്നു പിടിച്ച ഇരുപത്തഞ്ചുകാരന് നജ്മല്, സയ്ദ് അസിഫ്, മുഹമ്മദ് അഫ്സല്, ഫൈസല്, മുജാഹിദ് എന്നിവരെ മാഡിവാള, ചാമരാജ്പേട്ട്, ജക്കസാന്ദ്ര എന്നിവിടങ്ങളില്നിന്നും പിടികൂടി. ഒരു മാസം മുന്പ് പിടിച്ച മൗലവി സയ്ദ് അന്സാര് ഷാ ഖസ്മി നല്കിയ വിവരങ്ങളും ഇവരെ പിടികൂടാന് സഹായിച്ചു.
മുംബൈയില് മൂന്നും ഹൈദരാബാദില് നാലും ലക്നോവില് ഒന്നും ഭീകരരെ കസ്റ്റഡിയില് എടുത്തിട്ടുണ്ട്. മുംബൈയില് ഒന്നും ഹൈദരാബാദില് രണ്ടും ബംഗളൂരുവിലും മംഗളൂരുവിലും ഒന്നു വീതവും ആള്ക്കാര് അറസ്റ്റിലായി. ചിലരില്നിന്ന് ആയുധങ്ങളും സ്ഫോടകവസ്തുക്കളും കണ്ടെടുത്തിട്ടുണ്ട്. 42 മൊബൈലുകളും പിടിച്ചെടുത്തു.
ആസാമിലും ഉത്തരാഖണ്ഡിലും സംഘത്തെ വ്യാപിപ്പിക്കാനുള്ള ശ്രമം നടത്തിവരികയായിരുന്നെന്നു ചോദ്യംചെയ്യലില് തെളിഞ്ഞു. അമീറിന്റെ കൈയില് എട്ടു ഫോണ് ഉണ്ടായിരുന്നു. വിദേശത്തുനിന്നുള്ള കുഴല്പ്പണം ആയിരുന്നു ഈ സംഘത്തിന്റെ മുഖ്യധനസ്രോതസ്. ആരാണു പണം നല്കിയിരുന്നതെന്ന് അറിവായിട്ടില്ല. ഇന്ത്യന് മുജാഹിദീന് എന്ന പ്രസ്ഥാനത്തിലെ മുന് അംഗം യൂസഫ് എന്ന സാഫി അര്മര് ആണു പണം നല്കുന്നത് എന്നു രഹസ്യാന്വേഷണ ഏജന്സികള് സംശയിക്കുന്നു. അറസ്റ്റിലായവര്ക്കെതിരേ യുഎപിഎ ചുമത്തിയിട്ടുണ്ട്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
