രാജസ്ഥാനില് കനത്ത മഴ... നദികള് കരകവിഞ്ഞൊഴുകുന്നു, 20 മരണം , കനത്ത മഴയെ തുടര്ന്ന് സ്കൂളുകള്ക്ക് ഇന്ന് അവധി
രാജസ്ഥാനില് കനത്ത മഴ... നദികള് കരകവിഞ്ഞൊഴുകുന്നു, കനത്ത മഴയെ തുടര്ന്ന് സ്കൂളുകള്ക്ക് ഇന്ന് അവധി. ശനിയാഴ്ച മുതല് പെയ്ത കനത്ത മഴയില് രാജസ്ഥാന്റെ വിവിധ ഭാഗങ്ങളിലായി 20 പേര്ക്കാണ് ജീവന് നഷ്ടമായത്.
പാര്വതി, ഗംഭീര്, ബംഗംഗ നദികള് കരകവിഞ്ഞൊഴുകുന്ന സാഹചര്യത്തില് ജയ്പൂര്, കരൗലി, സവായ് മധോപൂര്, ദൗസ തെരുവുകള് വെള്ളത്തിലായി. ജയ്പൂരിലെ കനോട്ട അണക്കെട്ടില് അഞ്ച് യുവാക്കള് മുങ്ങിമരിച്ചു. ഇന്നലെ രാത്രി വൈകിയും തിരച്ചില് ആരംഭിച്ചെങ്കിലും ഇവരെ കണ്ടെത്താനായിട്ടില്ല.
ജയ്പൂരില് നിന്ന് 200 കിലോമീറ്റര് അകലെയുള്ള കരൗലി ജില്ലയിലാണ് ഏറ്റവും കൂടുതല് മഴ നാശം വിതച്ചത്. ശനിയാഴ്ച രാത്രി മുതല് ഞായറാഴ്ച ഉച്ചവരെ 15 ഇഞ്ച് മഴ രേഖപ്പെടുത്തിയ ഹിന്ദുവിലും കരൗലിയിലും വെള്ളപ്പൊക്കത്തിന് സമാനമായ സാഹചര്യം.
കനത്ത മഴയെ തുടര്ന്ന് ജയ്പൂര്, ജയ്പൂര് റൂറല്, ദൗസ, കരൗലി, സവായ് മധോപൂര്, ഗംഗാപൂര്, ഭരത്പൂര് ജില്ലകളിലെ സ്കൂളുകള്ക്ക് ഇന്ന് അവധി പ്രഖ്യാപിച്ചിട്ടുണ്ട്. ദുരന്തനിവാരണ സ്ഥിതിഗതികള് വിലയിരുത്താനായി മുഖ്യമന്ത്രി ഭജന് ലാല് ശര്മ ഞായറാഴ്ച ജയ്പൂരില് അടിയന്തര യോഗം വിളിച്ചിട്ടുണ്ടായിരുന്നു.
https://www.facebook.com/Malayalivartha
