ആദ്യ രാത്രിയില്‍ നവവധുവിന്റെ ആവശ്യം കേട്ട് ഞെട്ടി നവവരന്‍.യുവാവിനോട് യുവതി കഞ്ചാവും ബിയറും ആട്ടിറച്ചിയും വേണമെന്ന് ആവശ്യപ്പെട്ടു. നിര്‍ബന്ധം തുടര്‍ന്നപ്പോള്‍ ബിയര്‍ സംഘടിപ്പിക്കാമെന്ന് യുവാവ് സമ്മതിച്ചു. എന്നാല്‍ കഞ്ചാവും ആട്ടിറച്ചിയും വേണമെന്ന ആവശ്യത്തില്‍ നവവധു ഉറച്ചു നിന്നപ്പോള്‍ പൊലീസ് സ്റ്റേഷന്‍ വരെയെത്തി കാര്യങ്ങള്‍. ഉത്തര്‍പ്രദേശിലെ സഹ്‌റാന്‍പൂരില്‍ നടന്ന സംഭവത്തെക്കുറിച്ച് ഡെക്കാന്‍ ക്രോണിക്കിളാണ് റിപ്പോര്‍ട്ട് ചെയ്തിരിക്കുന്നത്. പരമ്പരാഗത രീതിയിലെ വിവാഹ ചടങ്ങുകള്‍ക്കെല്ലാം ശേഷം രാത്രിയില്‍ മുറിയില്‍ വെച്ചാണ് യുവതി വിചിത്രമായ ആവശ്യമുന്നയിച്ചത്.

ബിയറും കഞ്ചാവും ആട്ടിറച്ചിയും വേണമെന്ന യുവതിയുടെ ആവശ്യം കേട്ട് ഞെട്ടിയ ഭര്‍ത്താവ് പിന്നീട് നിര്‍ബന്ധം തുടര്‍ന്നപ്പോള്‍ ബിയര്‍ സംഘടിപ്പിക്കാമെന്ന് സമ്മതിച്ചു. എന്നാല്‍ കഞ്ചാവും ആട്ടിറച്ചിയും വേണമെന്ന ആവശ്യത്തില്‍ ഉറച്ചു നിന്ന് യുവതി നിര്‍ബന്ധം പിടിച്ചതോടെ ഭര്‍ത്താവ് തന്റെ വീട്ടുകാരെ വിവരമറിയിക്കുകയായിരുന്നത്രെ. ആവശ്യങ്ങള്‍ കേട്ടപ്പോള്‍ അത്രയ്ക്കങ്ങ് ഇഷ്ടപ്പെടാതിരുന്ന വീട്ടുകാര്‍ സംഭവത്തില്‍ പൊലീസ് ഇടപെടല്‍ വേണമെന്ന് ശഠിച്ചു.

പരാതി പൊലീസ് സ്റ്റേഷനിലെത്തിയപ്പോള്‍ രണ്ട് വീട്ടുകാരെയും അനുനയിപ്പിക്കാനായിരുന്നു പൊലീസിന്റെ ശ്രമം. ഇതിനിടെ വധു സ്ത്രീയല്ലെന്നും ട്രാന്‍സ് ജെന്‍ഡറാണെന്നും വരന്റെ വീട്ടുകാര്‍ ആരോപിച്ചു.

എന്നാല്‍ ആരും പൊലീസില്‍ രേഖാമൂലം പരാതി നല്‍കാന്‍ തയ്യാറായില്ല. കുറച്ച് നേരത്തെ വാക്കേറ്റങ്ങള്‍ക്ക് ശേഷം പ്രശ്‌നം വീട്ടില്‍ വെച്ച് ചര്‍ച്ചയിലൂടെ പരിഹരിക്കാമെന്ന് പറഞ്ഞ് രണ്ട് വീട്ടുകാരും മടങ്ങുകയായിരുന്നത്രെ.