ലോകം കാത്തിരുന്ന അപൂര്വ്വ സന്ദര്ഭം: ചരിത്രത്തില് പുതിയൊരു അധ്യായം രചിക്കാന് റഷ്യന് പാത്രിയാര്ക്കീസുമായി മാര്പാപ്പ കൂടിക്കാഴ്ച നടത്തി
ആയിരം വര്ഷങ്ങളായി റോമന് കത്തോലിക്ക സഭയും റഷ്യന് സഭയും തമ്മില് നിലനില്ക്കുന്ന സംഘര്ഷങ്ങളുടെ ചരിത്രത്തില് പുതിയൊരു അധ്യായം രചിക്കാന് റഷ്യന് പാത്രിയാര്ക്കീസുമായി മാര്പാപ്പ കൂടിക്കാഴ്ച നടത്തി. ഫാന്സിസ് മാര്പാപ്പയും കിറില് പാത്രിയര്ക്കീസും പരസ്പരം ആലിംഗനം ചെയ്തു.ലോകം കാത്തിരുന്ന അപൂര്വ സന്ദര്ഭം. പാശ്ചാത്യ, പൗരസ്ത്യ ക്രിസ്ത്യന് സഭകളെ ആയിരത്തോളം വര്ഷമായി വേദനിപ്പിച്ചുകൊണ്ടിരിക്കുന്ന ഭിന്നതയുടെ മുറിവുണക്കാന് ഫ്രാന്സിസ് മാര്പാപ്പയും കിറില് പാത്രിയര്ക്കീസും കൂടിക്കാഴ്ച നടത്തി.
ഇന്ത്യന് സമയം ഇന്നലെ അര്ധരാത്രിയോടെ (പ്രാദേശിക സമയം ഉച്ചയ്ക്കു രണ്ടു മണി) ഹവാനയിലെ ഴോസെ മാര്ട്ടി രാജ്യാന്തര വിമാനത്താവളത്തില് വന്നിറങ്ങിയ മാര്പാപ്പ വിമാനത്താവളത്തില്വച്ചു തന്നെ റഷ്യന് ഓര്ത്തഡോക്സ് സഭാധ്യക്ഷന് കിറില് പാത്രിയര്ക്കീസുമായി ചര്ച്ച നടത്തി. പശ്ചിമേഷ്യയില് ക്രിസ്ത്യാനികള്ക്കു നേരെയുള്ള ആക്രമണങ്ങള് മതിയാക്കാന് ആ വശ്യപ്പെട്ടുള്ള സംയുക്ത പ്രസ്താവനയിലും ഇരുവരും ഒപ്പിട്ടു.
പശ്ചിമേഷ്യയിലെ ക്രിസ്തീയപീഡനത്തിന് അറുതിയുണ്ടാക്കാന് ഇരു സഭകളും ഭിന്നതകള് മറന്ന് ഇനി ഒത്തൊരുമിച്ചു നീങ്ങും. എന്നാല്, പാശ്ചാത്യ, പൗരസ്ത്യ സഭകളുടെ പുനരേകീകരണം ഇന്നലത്തെ കൂടിക്കാഴ്ചയുടെ അജന്ഡയിലില്ലെന്നാണ് റഷ്യന് ഓര്ത്തഡോക്സ് സഭ വക്താക്കള് പറയുന്നത്.
അരനൂറ്റാണ്ടത്തെ യുഎസ് ക്യൂബ ശത്രുതയുടെ മഞ്ഞുരുക്കത്തിനു മേല്നോട്ടം വഹിച്ച മാര്പാപ്പ, ഇരുസഭകളുടെയും സൗഹൃദത്തിനുവേണ്ടി നടത്തുന്ന ശ്രമങ്ങള്ക്ക് ക്യൂബ തന്നെ ആതിഥ്യം വഹിക്കുന്നതും ശ്രദ്ധേയം. ചരിത്രംകുറിക്കുന്ന കൂടിക്കാഴ്ചയ്ക്കായി കിറില് പാത്രിയര്ക്കീസ് വ്യാഴാഴ്ചയാണു ഹവാനയിലെത്തിയത്.
സിറിയയില് റഷ്യയുടെ സൈനിക ഇടപെടല് നടക്കുന്ന ചരിത്രസന്ധിയില്ത്തന്നെ ഫ്രാന്സിസ് മാര്പാപ്പയും കിറില് പാത്രിയര്ക്കീസും ചര്ച്ചയ്ക്കിരുന്നത് രാഷ്ട്രീയ മാനങ്ങളുണ്ടാക്കുന്നുണ്ടെങ്കിലും കൂടിക്കാഴ്ചയ്ക്ക് അത്തരം അജന്ഡകളൊന്നുമില്ലെന്ന് റഷ്യന് ഓര്ത്തഡോക്സ് സഭ വക്താക്കള് പറയുന്നു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
