ലഷ്കര് ഇ ത്വയ്ബ തലവന് സാക്കിയൂര് റഹ്മാന് ലഖ്വിയുടെ മകന് കൊല്ലപ്പെട്ടത് കശ്മീരില് സൈന്യവുമായുള്ള ഏറ്റുമുട്ടലില്: ഹെഡ്ലി
ലഷ്കര് ഇ ത്വയ്ബ തലവന് സാക്കിയൂര് റഹ്മാന് ലഖ്വിയുടെ മകന് കശ്മീരില് സൈന്യവുമായുള്ള ഏറ്റുമുട്ടലിലാണ് കൊല്ലപ്പെട്ടതെന്ന് ഡേവിഡ് കോള്മാന് ഹെഡ്ലി മൊഴിനല്കി. 2006ലാണ് ലഖ്വിയുടെ മകന് മുഹമ്മദ് ഖ്വാസിം കശ്മീര് അതിര്ത്തികടക്കുന്നത്. അന്ന് 20 വയസു മാത്രം പ്രായമുണ്ടായിരുന്ന ഖ്വാസിം ഇന്ത്യന് സേനയുമായുണ്ടായ ഏറ്റുമുട്ടലില് കൊല്ലപ്പെട്ടുവെന്ന് നേരത്തെ റിപ്പോര്ട്ടുകള് ഉണ്ടായിരുന്നു. ഇക്കാര്യമാണ് ഹെഡ്ലി സ്ഥിരീകരിച്ചത്.
മുംബൈ ടാഡ പ്രത്യേക കോടതിയില് നടക്കുന്ന വിഡിയോ കോണ്ഫറന്സിങ് വഴിയുള്ള മൊഴിയെടുപ്പിനിടെയാണ് ഹെഡ്ലി ഇക്കാര്യം സ്ഥിരീകരിച്ചത്. ഭീകരാക്രമണക്കേസില് ശിക്ഷിക്കപ്പെട്ട് യുഎസിലെ ജയിലിലാണ് ഹെഡ്ലി നിലവിലുള്ളത്.
2008 മേയ് 25നു ലഷ്കര് ഭീകരന് സാജിദ് മിറില് നിന്ന് ലഭിച്ച ഇമെയില് സന്ദേശത്തില് ശിവസേന തലവനായിരുന്ന ബാല് താക്കറെ, മകന് ഉദ്ധവ് താക്കറെ എന്നിവരെക്കുറിച്ച് പരാമര്ശമുണ്ടായിരുന്നെന്നും ഹെഡ്ലി പറഞ്ഞു. പൂണെയിലെ സൈനിക കേന്ദ്രത്തില് സന്ദര്ശനം നടത്തിയെന്നും അവിടെ നിന്നുള്ള ദൃശ്യങ്ങള് ശേഖരിച്ചുവെന്നും ഹെഡ്ലി പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
