ഇ.ഡി രജിസ്റ്റര് ചെയ്യുന്ന കേസുകളില് ശിക്ഷിക്കപെടുന്നവര് കുറവ് ; സുപ്രീംകോടതിയില് സംസ്ഥാന സര്ക്കാറിന്റെ വാദം
ഇഡി രജിസ്റ്റര് ചെയ്യുന്ന മിക്ക കേസുകളും പിഴക്കുകയാണെന്ന് സുപ്രീംകോടതിയില് സംസ്ഥാന സര്ക്കാറിന്റെ വാദം. കേരള പോലീസ് രജിസ്റ്റര് ചെയ്യുന്ന കേസുകള് ശക്തമാണെന്നും സംസ്ഥാന സര്ക്കാര് സുപ്രീം കോടതിയില് പറഞ്ഞു. കണ്ടല ബാങ്ക് ക്രമക്കേട് കേസിലെ പ്രതി ഭാസുരാംഗന് നല്കിയ മുന്കൂര് ജാമ്യ അപേക്ഷ സുപ്രീം കോടതി പരിഗണിക്കവെയാണ് സംസ്ഥാന സര്ക്കാര് നിലപാട് വ്യക്തമാക്കിയത്.ഇ.ഡി രജിസ്റ്റര് ചെയ്യുന്ന കേസുകളില് ശിക്ഷിക്കപെടുന്നവരുടെ എണ്ണം കുറവാണെന്ന് സംസ്ഥാന സര്ക്കാര് കോടതിയില് പറഞ്ഞു.
എന്നാല് സംസ്ഥാന സര്ക്കാരിന്റെ എതിര്പ്പ് അവഗണിച്ച് ഭാസുരാംഗന് സുപ്രീം കോടതി മുന്കൂര് ജാമ്യം അനുവദിച്ചു. ഭാസുരാംഗന് അന്വേഷണവുമായി സഹകരിക്കാന് കോടതി നിര്ദ്ദേശിച്ചു..അറസ്റ്റ് ചെയ്താല് ജാമ്യത്തില് വിടണമെന്നും ജസ്റ്റിസ് ബി വി നാഗരത്ന അധ്യക്ഷയായ ബെഞ്ച് പറഞ്ഞു.കേസിലെ പ്രതിയായ മുന് സിപിഐ നേതാവ് ഭാസുരാംഗന് ശരിയായ രാഷ്ട്രീയത്തിന്റെ പക്ഷത്ത് ആയിരുന്നുവെന്നും എന്നാല് കേസിന്റെ കാര്യത്തില് ശക്തമായ നടപടിയുണ്ടാകുമെന്നും സംസ്ഥാനസര്ക്കാര് വ്യക്തമാക്കി. കേസില് സംസ്ഥാനസര്ക്കാരിനായി മുതിര്ന്ന അഭിഭാഷകന് പി.വി ദിനേശും, സ്റ്റാന്ഡിങ് കോണ്സല് നിഷേ രാജന് ഷൊങ്കറും ഹാജരായി.ഭാസുരാംഗനായി മുതിര്ന്ന അഭിഭാഷകന് ആര് ബസന്ത്, അഭിഭാഷകന് റോയി ഏബ്രഹാം എന്നിവര് ഹാജരായി.
https://www.facebook.com/Malayalivartha
